Registers van de Hollandse grafelijkheid 1299-1345

Graaf Willem III beleent Dirk van Poelgeest met het huis te Poelgeest en het bijbehorende land, welk goed Dirk hem in vrij eigendom heeft opgedragen; voorts regelt hij de vererving van dit leen.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Wi Willaem^a grave van Heynnegouwen^b etc. maken kond etc. dat Dirric^c van Poilgheest^d, onse trouwe man, ons op ghegheven heft toit onsen vryen eyghen zijn huys te Poilgheest^e met enen helm^f weer lands daer thuys in staet, ende hout tusken sestien ende achtien morghen lands, wilc huys ende land wi hem ende zinen nacomelinghen verlyet hebben ende verlyen^g van ons ende van onsen nacomelinghen te houden te liene in manieren alse hier na ghescreven staet, dat es te verstaen dat dit voirseyde huys ende land ane ons ende ane onse nacomelinghen niet comen en zal moghen^h alse langhe alser yement levet dieⁱ van des voirseyds Dierix live van Poilgheest^j ghecomen es jof comen zal in wittachtigher boirte; ende waer dat sake dat^k niement of te live en bleve die van desen voirgenoemden Dieric^l ghecomen waer alse^m voirs. es, soe soude dit voirscrevenⁿ goed comen op den outsten ende op den naisten die van Gherards^o live van Poilgheest^{p q}, des voirseyds Dierix ^r oude vader, ghecomen waer in witteliker boirte. Ende waert dat van des Gherards^s live niement te live en bleve alse^t voirs. es, soe soude dit selve goed comen op den outsten ende op den naisten die van den gheslachte van Poilegheest^u witteliken ghecomen ware^v, ende dan voirt binnen^w eirsten lede niet te versterven, est op zone jof op dochter; wantet ons van eyghen op ghegheven es ende immer te comen op die zonen voir die dochteren. In allen pointen sonder archlist.

In oirkonde etc. Ghegheven in den^x Haghe^y up den Jaers dach int jaer ons Heren M^o CCC^oz XXVI^o.