Registers van de Hollandse grafelijkheid 1299-1345

Nicolaas, abt van het OLV-klooster te Middelburg, bepaalt dat de bedienaar van de kapel van Eikenduinen – of van de parochiekerk wanneer het een parochie geworden is – geen prebende zal innen of aan het hof zal eten wanneer de graaf of gravin daar aanwezig is.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Vgl. nr. NH 332, de in de tekst genoemde grafelijke schenkingsoorkonde.

Wi Niclays^a, bi der ghenaden Gods abt van onser Vrouwen cloister in^b Middelburch^c, van der ordene van Premonstreit^d, maken cond allen luden. Want onse lieve here hair Willam^e grave ^f etc. omme Goids willen ende bi onse versoeke ons ende onsen cloester^g voirs. van Middelburch^h te gracie ghedaen heeft ende ghegheven eweliken te bliven zine capelle toitⁱ Eykendunen om ene prochikerke daer of te maken, in diere manieren dat wise na heren Florens doet of vrier resignatie, diese nu besinghet, zullen doen verdienen ende berechten met enen onsen kanoniken, alsoe als ons heren des graven opene brieve daer op spreken die hi ons ghegheven heeft, zo verlien wi^j ende verbinden voir ons ende voir onsen cloester voirs. dat zoe wie die capelle van Eykendunen voirseyd jof die prochikerke aldaer, alst ^k ene prochie ghemaect es, van onsen kanoniken verdienen ende verwaren zal, ghien recht eyschen noch hebben en zal van der provende in die Haghe te halen jof te hove teten alse onse here die grave jof onse vrouwe die gravinne daer wesen zullen; ende dair of scelden wi voir ons ende voir onsen cloester voirseyd ende voir den ghenen diese besinghen zal onsen here den grave quite met desen brieve bezeghelt^l met onsen zeghele.

Ghegheven Tordrecht^m op den Dertien avond int jaer ons Heren M CCC ses ende twintich.