Registers van de Hollandse grafelijkheid 1299-1345

Graaf Willem III verkoopt aan abt en convent van de O.L.V.-abdij te Middelburg 14 morgen land aan de Loosduinse laan in vrij eigendom.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Wi Willaem^b grave van Heynnegouwen^c etc. maken cond etc. dat wi voir ons ende voir onse nacomelinghe^d vercoft hebben onsen goeden vrienden den abt ende den ghemenen^e convente van onser Vrouwen cloester in Middelburch^f in vrien eyghen viertien morghen lands die ons anequamen van Janne den blidemaker, diese van ons te liene heelt^g, legghende an Loesduner^h lane binnen desen marken: Gherardⁱ veren Barten soens erfnamen ane die westzide ende Bartelmees^j Banyoen ende sijn gheselscep an die oistzide, elken morghen omme tien pond Hollands^k, dair hi ons bi Janne van Leyden onsen capellaen ghenoech of ghedaen hevet^l; ende dit land gheloven^m wi voir onsⁿ ende onse nacomelinghe den abt ende sinen convente ende horen nacomelinghe te waren jeghens elken mensche^o.

In oirkonde etc. Ghegheven in Middelburch^p op onser Vrouwendach in marte int jaer ons Heren M CCC ende zes endetwintich^q.