Registers van de Hollandse grafelijkheid 1299-1345

Graaf Willem III beleent zijn knaap Gerard Alewijnsz. van Leiden met de 4 morgen land in het ambacht Leiderdorp die deze in vrij eigendom had gekocht van Gijsbrecht van Leiderdorp en daarna aan hem, de graaf had opgedragen, met de bepaling dat mocht een zeventuig het eigendom van dit goed aan hem toewijzen, hij de helft van de 30 pond Hollands mag houden die Gijsbrechts borgen hadden toegezegd wanneer deze niet de eigenaar mocht blijken te zijn, terwijl hij de de andere helft zal uitkeren (aan Gerard); voorts regelt hij de vererving van dit leen.

Wi Willaem^a grave van Heynnegouwen^b etc. maken cond etc. dat Gheret Alewijns zone van Leyden, onse ^c knape^d, sine vier morghen eyghens lands die hi cofte jeghens Ghizebrecht^e van Leyderdorpe, legghende int ambocht van Leyderdorpe^f op die zuytzide van Ghizebrechts^g woninghe ende boemgaerd voirseit ende streckende metten west ende in den Rijn, ons up ghedraghen hevet, ende wi hebbense him weder verleent^h toit enen rechten erfliene in manieren dat men dit land sel an spreken ten seven: gheven si Gheret voirs. dienⁱ eyghendom, zoe zel hien dair op draghen tonser behoef; gheven si ons dien eyghendom, soe selt Gheret voirs. ende sine nacomelinghe van ons ende van onsen nacomelinghen houden^j in erfliene alze voirscreven es, mar ymmer^k te comen op den jongheren manhoeft voir op douder wijf hoeft dair zi beyde even na sien. Ende wert ons die eyghendom ghegheven, soe sel Gheret voirs. ons gheven dien^l brief die scepen van Leyden bezeghelt hebben dair Ghizebrechts^m borghen voirs. mede beloeft hebben gherede voirscreven dertich pond Hollandsⁿ, wair dat him die eyghendom niet ghegheven en worde; ende die souden wi doen innen ende dair of selve die ene helfte behouden ende die andre helfte gherede gheven.

In oirkonde desen brieve bezeghelt med onsen zeghel^o. Gheven^p ten Vyrste^q des sonnendaghes na sente Victors^r dach int jaer ons Heren dusend driehondert zeven ende twintich.