Registers van de Hollandse grafelijkheid 1299-1345

Jan, abt van Sint Paulus te Utrecht, beleent jonkvrouw Beatrijs, dochter van heer Dirk van der Doortoge, met de tiende van Zevenhuizen die haar vader en grootvader van hem en zijn voorgangers in leen hielden.

Vgl. nrs. NH 367, 368 en 370.

Allen den ghenen die desen brief sellen sien of horen lesen, wi Jhan^b bi der ghenade Goids abt van Sente^c Pouwels tUtrecht maken cond ende kenlic met desen brieve dat wi joncfrouwen Beatricen^d, heren^e Diederix^f dochter ^g van der Dorthoghe, hebben verleent^h alsulken tiende van Zevenhuzen in alsulken rechte alse hurⁱ vader ende hair oudevader van onsen voirvaren helden te leene, sonder alrehande archeyt, ongheveert eliken mans sijns rechts^j. Hier over waren besceden luden die prior van Sente^k Pouwels, hair Henric^l onse cappellaen, moniken van onsen goids huus, hair Diederic^m pape van Roterdammeⁿ, Adam van Lochorst^o, ridder, onse man, ende Willaem^p van Oestgheest^q, knape.

^r Omme dat dit vaste ende stade^s si^t, hebbe wi desen brief bezegheld med onsen seghel in oirkonde al der voirghenoemder dinc. Ghegheven int jair ons Heren^u M° CCC° ende zesse des donresdaghes nae sente Jacobs dach apostole^v.