Registers van de Hollandse grafelijkheid 1299-1345

Graaf Willem III beleent Jonis Jansz. met het noordelijke van drie nader omschreven weren in Maasland, dat hem daartoe was opgedragen door Floris Troveisz., met recht van overpad; voorts regelt hij de vererving van het leen en de bedijking van het weer.

Vgl. het volgende nr. NH 382.

Wi Willaem^a grave van Heynnegouwen^b etc. maken cond allen luden^c dat Florens Troveis sone ons op ghedraghen hevet dat noirder werekijn^d van den drien weren die hi van ons te leene helt niet te versterven binnen achtersusterkind, legghende in Maesland^e alle die weren binnen desen marken: onse land ane toest ende ende ane twest ende, der Duytsker^f heren land ane die nortzide ende Dierix dochter^g land van Alcmade^h ane die zuutside, tote Jonisⁱ Jans soens behoef, ende enen wech dore tmiddelste were voirscreven over der volres^j hofstede te hebbene sonder Florens^k scade voirs. ende siere nacomelinghe; wilc norder werekin voirscreven wi verliet hebben ende verlien Jonis Jans sone^l voirscreven van ons te leene te houden in manieren dat^m binne aftesusterkindⁿ ane ons niet versterven en mach, mar nae siere doet soe salt comen op Janne^o sinen sone binnen achtersusterkind niet ane ons te versterven, med alsulken dike als dair toe behoird ende den uterdijc alze^p breet als hair dijc es uut gaende ter Masen toe, ende te dikene uuit onsen^q lande mit der minster scaden die si ons doen moghen.

In orkonde desen brieve bezegheld med onsen zeghele^r. Ghegheven in die Haghe des dinendaghes^s voir sinte Katerinen^t dach int jaer ons Heren dusent drie hondert acht ende twintich^u.