Registers van de Hollandse grafelijkheid 1299-1345

Graaf Willem III verkoopt aan Willem Arnoudsz. van den Veen de 4 morgen land ten noorden van de kerk van Kethel die afkomstig zijn van de voortvluchtige Willem Grietenz. van Delft alias Vierkante Wille, garandeert deze diens bezit tegen eventuele aanspraken van Willem Grietenz. of diens erfgenamen, en beveelt zijn baljuwen, rechters en schepenen van zijn land dat zij Willem van den Veen in diens eigendom handhaven.

Vgl. het voorafgaande nr. NH 410 alsmede nrs. NH 289-292.

Wi Willaem^b grave etc. maken cond allen luden^c. Want Willaem^d Grieten^e soen^f van Delf die ghehieten was Viercante Wille jeghens onser heerlichede alsoe mesdaen heeft dat hi onse land gherumet heeft ende voirvluchtich is, so hebben wi bi Arnd van den Dorp vercoft Willame^g van den Vene, Arnds soen van den Vene^h, vier morghen lands, die morghen omme IIII lb. Hollandsⁱ, die Viercante Willen^j waren, die gheleghen sien^k an die nort side van Ketel kerke, dat Gherard^l Clays soen in hurewaren heeft, ende dat ons betailt is in Arns^m rekeningeⁿ van den Dorp, welc land voirscreven wi gheloven Willem^o van den Vene voirs. ende sinen nacomelinghe^p ende die^q ghene diet na him hebben sullen te waren ende te vrien van allen commer diere Willaem^r Grietensoen voirs. of sine nachomelinghe op eyschen mochten; ende ombieden allen onsen ^s bailiuwen, rechters ende scepen van onsen lande dat si Willaem^t Arnds soen voir ghenoemt in desen eyghendoem houden, ende des^u niet en laten.

Ghegheven ^v vridaghes na sente Bertelmeus^w dach in die Haghe int jaer ons Heren^x M CCC^o neghen ende twintich.