Registers van de Hollandse grafelijkheid 1299-1345

Graaf Willem III geeft toestemming aan Hendrik van der Woerd om 5 morgen nader omschreven leengoed in Abtswoude te verkopen, en geeft de koper ervan dit goed in vrij eigendom.

Wi Willaem^a grave etc. maken cond etc. dat wi ^b Heynric^c van der Woert orlof ghegheven hebben ende gheven te vercopen over eyghen vijf morghen lands die hi van ons te lene helt^d, legghende in Popswoude binnen desen merken: an die suitside Heynric^e van Ockenberghe^f ende Symon VerDouwen neve met lande ghemeenre voere, an die noirtside Jan Groys land, an die oistside Heynrix^g land van der Wourt, an die west side Arnds land ^h van den Dorpⁱ; ende so wie dese voirseyde vijf morghen lands copet^j, dien gheven wi dair of enen vrien eyghendoem met desen openen brieve, ende gheloven hem dat te waerne als men een vri eyghen sculdich sien^k te waerne^l.

In oirkonde etc. Ghegheven in die Haghe des sonnendaghes na sente Matheus dach int jaer ^m ons Herenⁿ M CCC^o neghen ende twintich^o.