Registers van de Hollandse grafelijkheid 1299-1345

Graaf Willem III verkoopt aan oude Sasboud van Hazerswoude 3 gaarden in Hazerswoude, aan Jan de Veldman 3 gaarden aldaar en aan Nicolaas vrouw Wivenz. een halve gaarde aldaar, alle in vrij eigendom

Wi Willaem^a grave etc. maken cond etc. dat wi bi Inghebrecht^b onsen rentemeister van Northolland^c vercoft hebben te vrien eyghen oude Zasboude van Haesarts woude^d drie gharden lands in Zasbouds^e weir vors., ende ons ane verstorven van Dieric^f den^g Roden, elc gharde omme XX lb. ende VII s. Hollands^h, dat comt LXI lb. ende XII d. Hollands; vord hebben wi vercoft Jan den Veltmanⁱ te vrien eyghen III gharden lands legghende tote Hasertswoude^j in Jans weir vors., ende ons ane verstorven van Willem^k Martijns^l sone, elke ghairde omme twintich^m pond ende VII s. Hollands, dit comt LXI lb. XII d. Hollands; vord hebben wi vercoft te vrien eyghen Claesⁿ ver Wiven sone^o een halve gharde lands legghende in Hasartwoude^p in ^q Claes^r weir vors., om X lb. III s. VI d. Hollands^s, die ons ane verstorven van Willaem^t Martins^u sone; ende van desen ghelde vorscreven hebben si onsen rentemeister vors. ghenoch of ghedaen, ende wi gheloven hem dit land te waren als men een vri eyghen sculdich es te waren.

In orkonde etc. Ghegheven in die Haghe des vridaghes na Kersdach int jaer XXIX^o.