Registers van de Hollandse grafelijkheid 1299-1345

Graaf Willem III beleent Willem van Oudshoorn met het huis met toebehoren te Rijnenburg dat heer Gozewijn van Rossum, ridder, hem daartoe had opgedragen omdat deze het aan Willem had verkocht; voorts regelt hij de vererving van dit leen.

Vgl. nrs. NH 71 en 157; zie voorts nr. NH 445.

Wi Willaem^a grave etc. maken cond allen luden^b dat hair Ghoeswijn^c van Roshem, onse trouwe ridder, thuys te Rinenburch metter hofsteden, metten boengharden, metten grafte^d ende met al den arve datter toe behoirt binnen den poten ende buten den poten, ende met den lande dat hire toe ghecoft hevet jeghens Janne van der Mie, ende met tuschen XII ende XIIII morghen lands die hi jeghens Dieric^e van Poelghest^f ghecoft hevet, dat hi al van ons te liene helt altoes onse open huys te wesen ende tiende vri also verre als ons^g tiende goud, in manieren dat na sire doit comen soude op sinen outsten wittachtighen sone jof sine outste wittachtighe dochter^h, liet hi ghene sone ende liet hi ghene wittachtighe kinder op sinen outsten broeder, jof hadde hi ghenen broeder op siere outster suster, ende dair na niet an ons te verstervenⁱ also langhe als hi hadde broeder kinder in witteliken huwelike, sone jof ^{j k} dochter, ende dair bi souden hi ende sine arfname ons diene^l ghelike anders^m onsen edelen luden van onsen lande; ons op ghedraghen hevet tote Willaemsⁿ behoef van Outshoirne^o dien hijt vercoft hevet, wilc huys, hofsteden, graften, boemgarden, land ende tienden voirscreven wi verliet hebben ende verlien Willaem^p van Outshoirne^q van ons te lene te houden in allen manieren voirscreven ende niet ane ons te versterven^r also langhe als Willaem^s voirs. broeder kinder jof suster kinder hevet in witteliken huweliken, sone^t jof dochter, ende ymmer op den jongheren sone te comen voir die ouster dochter^u, ende ymmer op den jongheren sone van den broeder voir den ouderen sone van der suster, ende te comen op den ghenen die van den ousten comen sal, ende dair tenden ten rechten lene.

In oirkonde etc. Ghegheven in die Haghe op den Jaersavond int jaer ons Heren M CCC^o XXIX^o.