Registers van de Hollandse grafelijkheid 1299-1345

Graaf Willem III beleent zijn knaap Nicolaas Rengersz. met het nader omschreven goed te Moordrecht dat heer Jacob van Moordrecht, ridder, hem daartoe opgedragen had.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Wi Willaem^a grave etc. maken cond allen luden^b dat vor ons quam hair Jacob van Mordrecht^c, onse ghetrouwe ridder, ende droech ons op tote Claes^d Renghers soens behoef broec ende bochs^e dat te Mordrecht leghet ende tland omtornt^f den broec, tiende pacht boven den capelrie lande, nacoep, hoenre ende al dat hair Jacob hadde vor hijt ons op droech, binnen den palen die hier nae ghescreven^g staen: dat es die Ghoude^h bi der eere zyden lopende in die Picleden, die Piclede lopende ane den wech die van Waddijnsⁱ vene te Mordrecht^j ghaet, die wech lenghes die van Mordrecht^k ghaet ter Ghoude^l ende die wech langhes die tenden^m Rotte loiptⁿ ende alsoe rechts uuyt in die Gouds^o; ende dit voir ghenoemde goid hebben wi verleent^p ende verlien Claes^q Renghers sone, onsen trouwen knape, van ons ende van onsen nacomelinghen hem ende sinen nacomelinghen te houden ten rechten liene, ende gheloven Clays^r Renghers sone dair in te houdene.

In orkonde etc. Ghegheven in die Haghe op den Jaers dach int jaer ons Heren M^o CCC^o XXIX^o.