Registers van de Hollandse grafelijkheid 1299-1345

Graaf Willem III verkoopt aan Dirk Wiggersz. en Dirk Gijsbrechtsz. 6½ morgen nader omschreven land in de vrije ban in de Hof van van Warmond in vrij eigendom.

Wi Willaem^e grave etc. maken cond etc. dat wi bi Enghebrecht^f, onsen rentemeester van Noirtholland^g, vercoft hebben te vrien eyghen Dieric Wigghers^h f.ⁱ ende Dieric Ghisebrechts^j f. zeven dalf morghen lands die ons ane quamen van Dieric van Warmonde, legghende in den vrien ban in die hoeve van Warmonde binnen desen marken: Jan van Beveren antwestende, Gherard^k van Warmonde ant oestende mit lene dat hi van ons hout, die proist van Coninxvelde^l an die noirtside ende Dieric Ghisebrechts^m f.ⁿ an die suitside, omme XLIII lb. Hollands^o daer si Enghebrecht^p voirs. seker of ghedaen hebben; van wilken lande voerscreven wi hem gheven enen vrien eyghendom mit desen brieve, ende gheloven hem dit lant te waerne alsmen een vri eyghen land sculdich es te waerne.

In orkonde etc. Ghegheven in die Haghe op den Ascencien avond int jaer ^q XXX^o.