Registers van de Hollandse grafelijkheid 1299-1345

Graaf Willem III beleent heer Simon van Benthem, ridder, met 20 pond Hollands jaarlijks uit een aantal nader omschreven goederen in Vlaardingen en Abtswoude.

Wi Willaem^b grave etc. maken cond etc. dat wi heren Symon van Benthem^c, ridder, toit siere ridderscip te helpe ghegheven hebben in rechten lene van ons te houden twintich pond Hollands^d sjaers, ende bewisen hem die ane alsulken goede als hier na ghescreven staet: int erste int ambocht van Vlaerdinghe^e op Hoghestat die Willaem^f Aelbrechts^g soens waren drie pond ende tien scelling Hollands sjaers; voird in den vrien ban in Pops woude^h die Pieter Kerstinen sone ghehuirt heeft vijftien morghen lands, elke morghen om elf scelling ende ses penning Hollands sjaers; voirt in den vrien ban in Pops woude die Robbrechtⁱ Zaywijns sone in huren hevet achtendalf^j morghen lands, elke morghen omme twaelf scelling ende neghen penning Hollands sjaers; voert dit wederdeel achtendalf^k morghen die ons ane quamen van Voppe Arnouds^l, dit hevet in huren Jonghe Michiel^m, elken morghen omme twaelf scelling ende neghen penning Hollands sjaerⁿ.

In oerkonde etc. Ghegheven in den^o Haghe des satersdaghes na sente Margrieten dach int jaer ons Heren M CCC ende dortich^p.