Registers van de Hollandse grafelijkheid 1299-1345

Graaf Willem III schenkt zijn knaap Jan de valkenier de nader omschreven 5 morgen land in Haagambacht in vrij eigendom die wijlen Simon Dirksz. van der Burg van hem in leen hield en aan Jan had verkocht, waarna Simons weduwe en kinderen ter compensatie ander goed aan de graaf hadden opgedragen.

Vgl. nrs. NH 51 en 262.

Wi Willaem^a grave etc. maken cond etc. Want^b Symon Dierix sone van der Burch van ons helt te lene vijf morghen lands legghende in Haghe ambocht^c die ghehieten sien die Hove^d, dat beleghen hevet an die oistside Daniel van Roderise^e mit lande dat hi van ons hout, ant westende^f Jan die valkenair mit lande dat hi van ons hout, an die suitside die Laendijc van Rijswijc^g ende an die noirtside Jan die valkenair, Jan Grieten sone, Jan ver ^h Hasekijnⁱ sone ende Isac^{j k} mit onsen eyghenen lande ende der voirseyder huirewair, wilc land voirs. Symon Dierix^l sone voirscreven bi sinen levende live vercoft hadde Jan den valkennair, onsen knape, over eyghen, dair Symon Dierix^m f. weduwe ende sine kinder ons vore up ghedraghen hebben tonsen eyghen also goed land toit anderen steden also dats ons wel ghenoghet, so hebben wi Janⁿ den valkennair^o voirs. ghegheven ende gheven enen vrien eyghendoem van den voirnoemden vijf morghen lands, ende lovent^p hem te waerne als men een vri eyghen sculdich es te waerne.

In orkonde etc. Ghegheven in den^q Haghe^r des woensdaghes na sente Lucas dach int jaer XXX^o.