Registers van de Hollandse grafelijkheid 1299-1345

Graaf Willem III, die met hertog Jan III van Brabant is overeengekomen dat zijn zoon Willem zal trouwen met diens oudste dochter jonkvrouw Johanna, kent Johanna bij voltrekking van het huwelijk voor de duur van haar leven een douarie van 8000 pond Tournois jaarlijks toe alsmede de hoeve van Mont-Saint-Aubert, welke jaarrente zij zal mogen trekken uit al zijn inkomsten uit Noordholland en, wanneer dat niet genoeg mocht zijn, uit Kennemerland en West-Friesland; de oorkonde wordt meebezegeld door een aantal met name genoemde edele leenmannen en goede steden van Holland, die beloven Johanna te zullen bijstaan wanneer men bij de betaling van de jaarrente in gebreke mocht blijven.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

A tous chiaus ki ces presentes lettres veront et ouront Guillaumes^c cuens de Haynnaut^d, de Hollande^e, de Zeeland^f et sires de Frise saluys et cognissance de veritei. Savoir faisons a tous ke comme nous et nous chiers cousijns Jehans^g, par le grasce de Dieu dux de Lothringe^h, de Brabantⁱ et de Lemburch^j, pour escuier guare^k, debas et desencions de nous et de no gents et de no pays, et pour nourir pais, ^l amours et concoirde entre nous et no cousijn et nos pays et no subgies avuekes les gens, les pays et le^m subgies de no cousijn devant dit, et pour ce que marcheant puissent aler, venir et marchander paisulement par tous no terres et pays et les terres et pays de no cousijn devant dit, ayemes nos et no cousin li dux devant noumés traitiet, ordinet et faitⁿ mariage de Guillaume^o nostre fil et damesele Jehanne^p, ainsnee fille ^q nostre cousijn le duc, au quel mariage sente Eglise sest acordé, si quil apert par le^r lettres de no saint pere le pape sour ches faites. Et nous Guillaumes^s cuens de Haynnaut^t devant noumés ayemes encore promijs et enconvent pour le dit mariage a donneer et a assener a damesele Jehanne^u devant dite en non de douaire, de dotalice et de donation pour mariage avueques Guillaume^v nostre fil wit mille livres de rente^w au Tornoys^x par an, le gros Tornois^y pour sese deniers comptey, et dun manoir et de la pourprise du manoir sans prisie, le quele douaire la dite dameselle Jehane^z devra tenir et possesser paisivlement sans nul enpechement apres les deces le dit Guillaume^a' no fil, sil avenoit choze quil trespassast de ces siecle avant que la dicte^b' damesele Jehane^c', le mariage parfait et consoumey. Faisons savoir ke a complir ce ke nous avons promis et enconvent et pour asseis faire et asseneer entierement le dit douaire, dotalice ou donation pour mariage des devant dites wit mille livres de rente par an, cescun an a prendre paisivlement tant ke la dite damesel Jehanne^d', ke Diex doinst bone vie, aura le vie ou cors apres le deces ^e' dou dit Guillaume^f', avons assenee et assennons par ches presentes lettres a le^g' dite dameselle Jehanne en non devant dit et pour le dit mariage a prendre, rechevoir, lever et possesseer^h' paisivlement ^i' les dicte wit mille livres de rente par an sour toutes^j' no rentes et revenues entierement ke nous avons et avoir porrons en no terre de Northolland, soit en bles, en grains, en soile, en avaine, en argent, en capons, en dismes, en preys, en bos, en peskeries, en pasturages ou en autres revenues de rentes jusques a le summe et a^k' le valour des dites wijt mille livres de rente per an, monoie desore dite. Et chil^l' avenoit chose ke les dites rentes et revenues ne puissent faire le valour des dicte^m' VIII^M livres de rente par an, dont assennons nous par le tenour de ces presentes lettres a le devant dite damesselle Jehanne^n', pour la deffaute ke demouroit ou pouroit demourer des dictes VIII^M livres de rente cascun an a prendre et lever et a possesser paisivlement, la dite deffaute et tout ce ki demouroit sour toutes no rentes et revenues que nous avons et avoir porons en no terre de Kenemerland^o' et de Frise, soit en bleys, en grains, en soile, en avaine, en argent, en capons, en dismes, en preys, en pasturages, en bos, en pescheries, en censes ou en autres revenues de rentes; et voulons encore et avons en convent pour nous, nous hoirs et nos successoirs que nos ne prendrons ne ne ferons^p' prendre des rentes et des revenues de nos dictes terres de Kennemerland^q' et de Frizie^r', jusques au tant que la dite damesele seroit entierement payé de la deffaute ke poroit deffallir a payer les dites VIII^M livres de rente cascun an, les queles nous avons assenees a prendre et a lever principalment sur toutes no rentes et revenues de Noirtholland^s' ensi comme desore est dit. Et voulons et consentons que la dite damoiselle puet mettre et establir cui quelle voura li quels ara pooir de prendre et de lever les dites rentes et revenues que nous li avons assenees pour son douare par toutes no terre^t' de Noirtholland^u', de Kenemarland^v' et de Frizi^w', et quelle puist asseir tous les deffalans, rebelles et contredisans constraindre jusques a le plaine et entiere satisfaction et payemens de dites VIII^M livres de rentes, sans traire a autre ^x' justice^y'. Et encore avons nous assené et assennons a le dite damesele Jehanne en nom desore dit avuesques le^z' dites rentes nostre manoir, kon apiele^a'' Montaubert, a toute sa pourprise entierement ensi quele siet sans prisie; et voulons et consentons pour nous, nos hoirs et^b'' nos successoirs ke la dite damoisele Jehane^c'' de tous meffais et mesprises ke avenroient et eschiroyent en la dite maison de Mont Aubert^d'' et toute sa pourprise, elle puist faire par cui ke li plaira connoistre, jugier et esplotier en^e'' tous cas sans retraire a autre justice, tant comme elle vivra, sans mettre main de par nous ou de^f'' par nous gentz.

Si avons enconvent et promis et promettons sollempnement pour nous, nos hoirs et nos successoirs toutes ses devises et ordinance^g'' et assennemens a tenir et accomplir^h'' loyaument et entierement, sans venir a lencontre; et pour la plus grans segurtés avons nous requis et requerons as^i'' nobles houmes^j'' et as boines ville^k'' de no pays de Hollande^l'', cest a savoir no chier et amé frere Jehan de Haynnaut^m'', signeur de Byaumont^n'', no chier et amé cousijn Gerard^o'' signeur de Voirne, castellain de Zelande^p'', no chier et amé cousijn Jehan signeur dArcle, Gilbert^q'' signeur dIJsselsteyne, Pieron signeur de le Lecke, Thiri^r'' castellain de Leyden, Gerard^s'' de Emskerke^t'', Jehan de Polanen, Daneel de le Merewede^u'', Jehan de le^v'' Wateringhe^w'', Thiri Bokel, Jakemon de le Woude, Guillaume^x'' de Naldewijc^y'', chevaliers, Henri singneur de Brederode, Henri^z'' de le Lecke, Jehan Persijn de Velsen et Philippe de Wassenair, eschuyers, Dordrecht^a''', Delf, Leyden, Hairlem, Sciedam, Alkemar^b''' et Medenblic, en tesmoingnage de veretey quil vueillent a ces presentes lettres mettre leur seailz^c''' avueques le nostre; et avueques tout ce leur requerrons nous que cil avenont chose ke ja naveingne^d''' ke nous, no hoir et no successoir voisissiens de^e''' la dite assene en^f''' aucune chose enpechier ou astargier, par quoi la dite damoiselle Jehanne tant kele vivra ne puist joyr paysivlement, le dit mariage parfait et consoumey, quil vueillent a le dite damoiselle Jehanne consillier, aidier, conforter et faire avoir sans nulle male ^g''' amour de nous, de nos hoirs et de nos successoirs a ce quelle joyse et puist joyr, lever, prendre, rechevoir et possesser paisivlement le dit assenne, jusques a le^h''' plaine et entiere^i''' satisfaction de la soume^j''' de VIII^M livrees de rente cascun an tant quelle vivra, ensi ke deseure dit est et devisey; et nous le promettons tous dequiter et aquiter sans leur damage. ^k'''

Et pour ce ke toutes ces choses soient fermes et estables, nos avons ses presentes lettres seellees de no seal avueques les cheals de nos hommes et no bone villes de Hollande^l''' devant noumees^m'''. Et nous Jehans de Haynnaut^n''', sires de Byaumont^o''', Gherard^p''' sires de Vorne^q''', castellains de Zeelande^r''', Jehan sires dArcle, Gillebers^s''' sires dIJselsteyne, Pieres sires de le Lecke, Thiri^t''' castelains de Leyden, Gerards^u''' de Eemskerke, Jehans^v''' de Polanen, Daneals de le Merewede^w''', Jehan de le Wateringhe^x''', Thiri^y''' Bokel, Jakemes de le^z''' Woude et Guillaume^a de Naeltwijd^b, chevaliers, Henris^c sires de Brederode, Henris^d de le Lecke, Jehan Persijn^e de Velsen et Philips^f de Wassenar^g, eschuir, Dordrecht^h, Delf, Leyden, Hairlem, Sciedaumeⁱ, Alkemair et Medenblic^j a le^k priere et a le^l requeste de no chier et amé signeur monsigneur Guillaume^m, conte de Haynnautⁿ etc., avons promis et enconvent a noble damesele damoiselle Jehanne devant nommee que sil avenoit chose que ja navigne quelle ne fust a plain payé cascun an son douaire durant des VIII^M livers^o de rente par an en assennemens devant dites, que nous li aiderons et devrons aidier, consillier, conforter^p, pourcachier et ferons tant quelle sera a plain payé jusques a le soume^q deseure^r dite en la maniere ke deseure est dit et devisei, si aucune deffaute^s yavoit; et avons a ses presentes lettres mis no chealz avueques no chier et amé signeur signeur devant dit, en tesmoignage de veritei. Donné a Brouxelle^t le lundy apres le jour des Trois roys en lan de grasce M CCC et trente.