Registers van de Hollandse grafelijkheid 1299-1345

Graaf Willem III verkoopt jonkvrouw Elizabeth, dochter van wijlen heer Willem van der Made, ridder, al het leengoed dat hem door het overlijden van heer Willem was toegevallen, uitgezonderd enkele inkomsten en rechten te Pijnacker en Delft en de achterleenmannen van die goederen, welk goed zij in recht leen zal houden; voorts regelt hij de vererving van dit leen.

Wi Willaem^b grave etc. maken cond^c etc. dat wi joncfrou Lisebetten^d heren Willaems^e dochter van der Made, ridders, vercoft hebben ende verghift alsulc leen goed als ons ane bestorven was van heren Willame^f van der Made voirs., uytghenomen XXIIII lb. Hollands^g sjaers die hair Willaem^h van ons helt uter bede te Pinakerⁱ, ende der ghiften van der kerken te Delf ende anders ghiften die dair of roeren, ende uytghenomen die manne die uyt dien goede verleend waren, dat wi ane ons selven houden; maer anders al dat leen^j goed dat hair Willaem^k van ons helt sal joncfrou Lisebet^l, sijn dochter, houden ten rechten lene^m van ons ende van onsen nacomelinghen. Ende wair dat sake dat joncfrou Lisebettenⁿ voirs. ghebrake^o sonder wittighe gheboirte^p van hoir te laten, so soude dat voirs. leen goed comen op Dieric^q van der Made, horen oem^r, diet houden soude ten rechten lene; ende wair dat Dieric^s van der Made voirs. ghebrake voir joncfrou Lisebetten^t voirschreven ende joncfrou Lisebette^u voirs. dair na storve sonder wittachtighe boirte te laten, soe soude dat voirs. leen goed comen op Heynric^v, Dierix^w outste sone van der Made voirs. die hi nu heeft bi Jans dochter van der Merewede^x, ende so soud Heynric^y voirs. ^z houden ten rechten lene van ons ende van onsen nacomelinghen.

In orkonde etc. Ghegheven tote Sinte Gherden berghe^a' sdonresdaghes voir sente Marien Magdalenen^b' dach int jaer ^c' XXX^o.