Registers van de Hollandse grafelijkheid 1299-1345

Graaf Willem III geeft Willem de Gouwer toestemming tot verkoop in vrij eigendom van nader omschreven land in het ambacht Oegstgeest, dat deze van hem in leen heeft.

Wi Willaem^c grave^d etc. maken cond etc.^e Want W.^f die Gouwer, onse man, IX½^g morghen lands van ons helt te leene, die gheleghen sien in den ambochte tote Oisgheest^h ende binnen desen marken: in den eersten een stuc lands dat beleghen hebben op toist ende ende op twest ende die abdisse van Reynsborchⁱ, op tsuyt ende die abdisse van der Lee ende op die noirt side ver Hasekijn, W.^j veren Lisen soens weduwe, ende hoir kindere met^k ghemengheder vore, voirt een ander stuc dat beleghen hebben op toist ende die abdisse van der Lee, twest ende streckende in den Rijn, op die zuyt side ende op die noirt side die abdisse van Reynsborch^l; wair of wi Willem^m voirs. gratie ghedaen hebben ende gheven hem oirlof dat hi dit land voirscreven vercoepen moghe ten vryen eyghen, ende ghelovent elken man diet coipen sal te waren alsmen een vry eyghen sculdich es te ⁿ doene na sede ende costume van onsen lande.

In orkonde etc. Ghegheven tote Berghen^o in Heynnegouwen^p in sente Clements^q daghe int jair ons Heren M^o CCC^o XXXI^o.