Registers van de Hollandse grafelijkheid 1299-1345

Graaf Willem III beleent Hugo Vriese Jansz. van Koudenhoven met de twee nader omschreven percelen in Hond en in de Panne die deze hem had opgedragen; voorts regelt hij de vererving van dit leen.

De woorden loco et tempore prescriptis in de datumregel verwijzen naar de datum en plaats van uitvaardiging van de in het register voorafgaande oorkonde nr. NH 515.

De in de tekst genoemde percelen liggen waarschijnlijk in Maasland; vgl. het volgende nr. NH 517. – Zie voorts nr. WI 144.

Wi Willaem^a grave^b etc. maken cond etc. dat Hughe Vriese^c Jans sone van Coudenhove ons opghedraghen heeft zeven morghen ende vier hond lands, legghende int land dat Hond^d hiet tuschen die Saine^e wateringhe ende den Maisdijc, ende beleghen es ane die suyt side metten lande dat Oudelien hiet ende an die noirt side mid den lande dat Sweygheren^f land hiet; voirt heeft hi ons op ghedraghen drie morghen ende twee hond lands mitter husinghen dier op staen, legghende int land dat die Panne hiet, ende es beleghen ane die suyt side met den lande dat veren Grieten Elyaes was ende ane die noirt side met den lande dat heren Jans van der Wateringhen es, tuschen Saine wateringhe ende den Maisdijc^g. Wilc land ende husinghe voirscreven wi verlien Hughe Vriesen voirnoemd van ons te houden ten rechten erfleene in sulker manieren dat dit voirseyde leen comen sal op sinen sone jof op sine outste dochter, wair dat deser soens ghebrake, ende alsoe voirt te gane van grade te grade in wittachtigher boirte.

In orkonde etc. Ghegheven loco et tempore prescriptis.