Registers van de Hollandse grafelijkheid 1299-1345

Graaf Willem III geeft Dirk Raanbiersz. en diens twee broers 4½ hond land in het ambacht Voorhout in vrij eigendom, welk goed die Dirk Hazevang eerder van hem in leen hield en met zijn toestemming aan hen heeft verkocht.

Wi Willaem^a grave etc. maken cond etc. dat Dieric^b Hasevang^c bi onsen oirlove^d vercoft heeft Dieric^e Raenbiers^f sone ende sinen II broeders^g in vryen eyghen vijftalf hond lands die hi van ons te leene helt, legghende int ambocht van Voirhoud^h an vier sticken: int eerste een half coe ghers legghende in Hasevanxⁱ venne dair an leghet Gherard^j Raenbiers sone^k an die oyst zide, item een half vierendel lands dat gheleghen es met Gherarde^l Raenbier ghemeene, item eene gairde lands leyt opt Langhe ^m dorp dair an leghet Berthelmeeusⁿ die Olislagher an die west side, item een vierendeel honds lands leghet bi Gherard^o Playert met Dieric Raenbiers sone^p ghemeene; van wilken lande voirscreven wi gheven Dieric^q Raenbiers sone^r ende sinen II broederen eenen vryen eyghendom met desen brieve, ende gheloven hem dien te waren als men een vry eyghen sculdich es te waren.

In orkonde etc. Ghegheven in die Haghe op sente Laurens avond int jair ons Heren M^o CCC^o XXXII^o.