Registers van de Hollandse grafelijkheid 1299-1345

Graaf Willem III beleent Willem van Oudshoorn met drie percelen van in totaal 14 morgen in het ambacht Hazerswoude, welke goederen deze hem had opgedragen in vrij eigendom.

Vgl. de in het register volgende nrs. NH 538-541.

Wi Willaem^a grave etc. maken cond etc. dat Willem^b van Outshoirne quam voir^c ons ende voir onse manne ende droeghen^d ons op teenen vryen eyghen zeven marghen lands die hi cofte jeghens Diddekijn des Vroeden sone^e, legghende int ambocht van Hasairdswoude^f, die wi an beyden ziden mit onsen lande beleghen hebben; voirt^g droech hi ons op dordalf morghen lands in den selven ambochte legghende, die hi^h cofte jeghens den selven Diddekineⁱ; voirt droech hi ons op vijftalf morghen eyghens lands^j legghende in den ambochte voirscreven, die hi cofte jeghens den Vroeden^k toit Hasairdswoude^l. Dit sien alle viertien marghen, die hi^m ons beloift heeft te wairne als men een vry eyghen sculdich es te wairne; welke viertien marghen lands voirscreven wi verlien ende verleenen Willem van Outshoirne van ons te houdene te leene in alle den rechte dat hi thuys te Rinenburch ende al tland dat dair toe behoirt van ons te liene hout.

In orkonde etc. Ghegheven in den Haghe op den Paischdach int jair ons Heren M CCC drie ende dortich.