Registers van de Hollandse grafelijkheid 1299-1345

Graaf Willem III verklaart dat Dirk van der Mije beloofd heeft, met diens leengoed als onderpand, de 50 pond Hollands te betalen die hij voor deze aan de bisschop van Zuden had voorgeschoten, en dat Gerard Sprong en Gerard van der Aar bij in gebreke blijven van Dirk dat bedrag zullen betalen in baar geld, waarvoor zij dan Dirks leengoed zullen ontvangen, ieder de helft.

Wi Willaem^a grave van Heynnegouwen^b, van Holland^c, van Zeeland^d etc. maken cond etc. dat Dieric^e van der Mye quam voir ons ende voir onse manne alse voir heren Janne van der Weteringhen^f, Janne Persin^g heren Jans sone^h, Willaemⁱ van der Wort^j ende voir anders vele onser manne, ende wilcoirde op al sijn leengoed dat hi van ons hout onsen rentemeister van Noirtholland^k te betalen toit onser behoif te sinte Martijns^l daghe in den winter^m naist comende vijftich lb. Hollandsⁿ, die hi ons sculdich es ende wi in ^o reeden ghelde voir hem betailden den biscop van Zude^p. Voirt heeft ons ghelovet Gherijd^q Sprong^r ende Gherijd^s van der Are^t die jonghe: wair dat Dieric^u van der Mye ons niet en betailde ten^v daghe voirscreven, so^w souden si twee onsen rentemeister dat ghelt gheven op den selven dach in ghereeden ghelde ende sonder pande; ende dair bi sullen wi hem tween weder verlyen alsulc goed alse Dieric^x nu^y van ons hout te leene, den eenen die eene helfte ende den anderen die ander helfte.

In orkonde desen brieve beseghelt^z etc. Ghegheven in den^a' Haghe des sonnendaghes voir meye anno Domini^b' M^o CCC^o XXXIII^o.