Registers van de Hollandse grafelijkheid 1299-1345

Graaf Willem III beslecht na overleg met zijn gemene Raad het geschil tussen Willem van Brawode geheten van Engeland en heer Jan van der Wateringe betreffende renten en land te Vlaardingen in heer Jans gerecht.

Vgl. nrs. NH 558 en 586, alsmede 316-319 en 457. Het 'gerecht van heer Jan van der Wateringe te Vlaardingen' betreft dus eigenlijk Vlaardingerambacht.

Wi Willaem^a grave van Heynnegouwen^b etc. maken cond etc. Want Willaem^c van Brawoude die men hiet van Engheland ons^d langhe ghevolghet heeft ende zwairlike ghecroent van onrechte dat hem hair Jan van der Wateringhen^e soude hebben ghedaen^f an renten ende an lande gheleghen te^g Vlairdinghe in heren Jans gherechte voirnoemd, die hier voirmails waren joncfrou Willaems^h van Theylinghe, ende wi te vele stonden wairheden of hebben doen soeken ende landsaghen of hebben doen segghen, ende ymmerⁱ en wairds gheen ende; zoe hebben wi mit onsen ghemeenen Rade ons wel versien ende segghen alse here over recht dat Willaem^j voirs. hebben sal die vijf pond Hollands^k sjairs die hi cofte jeghens den goidshuse van der Lee, ende dat hi die vijf pond sjairs voren uyt nemen sal van allen den lande^l dair si op gheset sien. Voirt soe liet die vrouwe van Haghensteyn^m VI kindere, dair op quam joncfrou Willaemsⁿ eyghen land van Teylinghe, des quam een zestendeel op heren Janne van der Wateringhen^o ende een zestendeel op heren Goesswijns^p wijf van Rossem^q, ende Dieric^r van den Wale cofte dair of IIII zestendeele, een jeghens Janne uyt den Goye, een jeghens Ghysebrecht^s uyt den Goye, eene jeghens Staiskin^t van Brakel ende eene jeghens heren Jacobs dochter van Lichtenberch^u, ende dese IIII zestendeele vercofte Dieric^v van den Wale Willem^w van Engheland; ende na allen wairheden ende saghen die dair of ghegaen sien, soe vinden wi Willem voirnoemd mit den rechte in die IIII zestendeele van den lande voirscreven ter tijd toe dat men mit eenen rechte dair uyt winne.

In orkonde etc. Ghegheven in den Haghe des dinxendaghes na meyedach int jair XXXIII.