Registers van de Hollandse grafelijkheid 1299-1345

Graaf Willem III schenkt zijn houtvester Willem de Klerk de 9 morgen leengoed in Lisserbroek in vrij eigendom die eerder van jonkvrouw Willem van Teilingen waren; voorts beleent hij hem met diens huis en hofstede te Hillegom alsmede met met diens schuur met hooiberg en hofstede aldaar, welke goederen deze aan hem had opgedragen.

^a Willaem^b grave etc. maken cond allen luden^c dat wi om goiden dienst die ons Willaem^d die Clerc, onse houtvoister^e, ghedaen heeft ende noch^f doen sal hem ghegheven hebben in vryen eyghen neghen morghen lands, legghende in Lisser broec ende hieten Kevelars^g weer, die ons ane quamen van joncfrou Willem van Theylinghe ende die wi voirmails Willem^h voirs. ghegheven hadden te leene van ons te houden. Ende ⁱ hier bi heeft ons Willem^j die Clerc voirs. up ghedraghen sijn huys ende sijn hofstede te Hilleghem alsoe als hi se beseten heeft tuschen Hughe Jans sone^k ende den wech, ende sine scure over den wech also als hi die beseten heeft, mid den barghe ende mit der hofstede, dair hi ons den eyghendoem of ghegheven heeft; ende wi hebben hem huys ende hofstede, scure ende barch ende hofstede voirscreven weder verliet van ons te houden te^l rechten liene.

In orconde desen brieve beseghelt met onsen zeghel^m. Ghegheven in denⁿ Haghe op der Elf dusent magheden dach int jaer ons Heren M CCC drie ende dertich.