Registers van de Hollandse grafelijkheid 1299-1345

Graaf Willem III gelast de rentmeester van Noordholland een jaarrente van 30 schelling Hollands uit de bede van Monster uit te keren aan Jan van der Spangen, knaap, die naar hij heeft begrepen die rente in achterleen houdt van heer Jan van der Wateringe, ridder; voorts bevestigt hij heer Jan in genoemd leen.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Vgl. het in het register volgende nr. NH 611.

Willaem^b ..grave van Heynnegouwen^c, van Holland^d ende here van Vriesland. Wi hebben verstaen dat Jan van der Spangen, onsen knape, dat hi hout dortich scillinghe Hollands^e tsjairs van heren Janne van der Weteringhe ridder te liene, de welke here Jan voirs. zeghet dat hi van ons houd ute der bede te Monster, te betalen alle jare up sinte Martijns^f dach in den winter^g; wair omme wi ombieden onsen rentemeister van Northolland^h die nu es jof namaels wesen sal dat hi Janne voirs. ⁱ die voirseyde renten uyt reke ende betale alle jare op den termijn voirs. alse verre als here Jan ende Jan voirnoemt voir Willem, onsen sone, houden bi hoeren eede dat here Jan voirs. die voirseyde renten van ons hout ende Jan voirs. van heren Janne te liene ende sculdich es te houdene. Ende hier bi soe verlienen wi ende verlien voir ons ende onse nacomelinghe heren Janne voirs. ende zinen nacomelinghen die voirseyde renten in der manieren voirscreven te houden ten rechten liene van ons ende van onsen nacomelinghen; ende alle dinghe sonder arghen list.

In orconde desen brieve bezeghelt met onsen zeghele^j. Ghegheven te Valenchijn op den viertienden dach van marte int jair ons Heren M^o CCC^o vive ende dortich.