Registers van de Hollandse grafelijkheid 1299-1345

Graaf Willem III bevestigt de schenking door Willem van den Zijl aan diens echtgenote Bartraad van een lijftocht van 18 morgen land in de Oude kamp in het ambacht Maasland.

Willaem^a ..grave van Heynnegouwen^b, van Holland^c ende here van Vriesland^d maken cond allen luden^e dat Willaem^f van den Zile^g mid onser hand ghemaict hevet Bartrarden^h, sinen wive, tot hore lijftochte die helfte van achtien morghen lands ligghende int ambocht van Mazeland in den Ouden camp, in wilker lijftochte wi gheloeven Bartrardenⁱ voirs. te houden als wi sculdich sien te doene na zede ende costume van onsen lande.

In orconde desen brieve^j bezeghelt mid onsen zeghele. Ghegheven in die Haghe des dinxendaghes na sinte Marien Magdalenen^k dach int jair ons Heren M^o CCC^o sesse ende dortich.