Registers van de Hollandse grafelijkheid 1299-1345

Graaf Willem III verkoopt aan zijn deurwachter Coppekijn Lizenz. voor de duur van diens leven en van het leven van diens moeder Lize, wie van beiden het langst leeft, een jaarrente van 24 pond Hollands, uit te keren door de rentmeester van Noordholland, met de bepaling dat die rente niet zal vervallen wanneer Coppekijn leven en goed verbeurt, behalve bij misdaden tegen zijn heerlijkheid of bij vredebreuk en dergelijke misdrijven; de oorkonde wordt meebezegeld door zijn zoon Willem van Henegouwen, graaf van Zeeland.

Willaem^a ..grave van Heynnegouwen^b, van Holland^c ende here van Vriesland maken cond allen luden dat wi Coppekijn Lisen sone, onsen doirwairder, omme meneghen dienste di hi ons ghedaen hevet ende noch doen sal vercoft hebben tot sinen live ende Lisen ziere moeder live, willic hore langher levet van hem beyden, vier ende twintich pond Hollands^d tsjairs jof payment^e dat dair jeghens ghenghe ende gave es in den lande, te betalen alle jare die ene helfte binnen den twaelf nachten van Kersavonde^f ende die ander helfte dair na binnen meye, omme een ende twintich pond groter Tornoyse^g die hi ons betaelt hevet bi Gheret^h Heynen sone, onsen rentemeister van Northollandⁱ, diere ons goede rekeninghe of doen sal; ende ombieden ^j Gheret^k Heynen sone^l, onsen rentemeister voirs., jof wie dair namaels rentemeister wesen sal, dat si^m Coppekijn Lisen sone jof Lisen ziere moeder, esⁿ dat si langher levet, alle jare betalen op den terminen^o voirscreven vier ende twintich pond Hollands^p tsjairs alse voirscreven es, ter tijd toe dat wi hem in zekeren renten bewijst hebben wair hi se heffen mach. Ende wair dat zake dat hi tote enighen onghevalle quame dair hi sijn goed ende sijn lijf mede verboirde, also verre als hi jeghen die heerlicheit niet en dede^q of hem verboesde met vredebrake of anders an zaken dair hem een wittachtich man mede verboesen soude, soe hebben wi hem sulke gratie ghedaen dat hem sine lijftochte voirs. volghen sal als ^r voirscreven es, soe wair hi si.^s Ende hier of sal die rentemeister jairlix ene quitantie^t van hem nemen dat hi hem betaelt hevet, ende dair mede sullen wi hem van also vele quiten^u in ziere eerster rekeninghe.

Ende omme dat wi alle stucken voirscreven vaste ende ghestade willen houden ende doen houden, soe hebben wi desen brief open bezeghelt met onsen zeghele; ende hebbe Willaem^v van Heynnegouwen^w ..grave^x van Zeelland^y, onsen sone, in kennisse met ons doen bezeghelen met sinen zeghele. Ende wi Willaem^z van Heynnegouwen^a', ..grave^b' van Zeelland^c', omme ons lieves heren ende vaders willen voirscreven hebben wi in kennisse met hem desen brief^d' open bezeghelt met onsen zeghele. Ghegheven tote Hairlem op onser Vrouwen dach^e' half oichste^f' int jair ons Heren M^o CCC^o ses ende dortich.