Registers van de Hollandse grafelijkheid 1299-1345

Graaf Willem III neemt op verzoek van heer Dirk burggraaf van Leiden, ridder, wiens heerlijkheid, ambachten, eigen goed en leengoed hij in beheer heeft genomen zolang heer Dirk leeft, Dirk en diens echtgenote vrouw Justine, burggravin, hun zoons heer Jan Scheve, ridder, en Jan Arnoud alsmede hun goederen op in zijn bescherming, en beveelt alle baljuws van het graafschap Holland en in het bijzonder de baljuw van Rijnland om daarnaar te handelen.

Vgl. nrs. NH 622 en 623 (de twee oorkonden die in de onderstaande tekst worden genoemd) alsmede nrs. NH 629-631.

Willaem^a ..grave^b van Heynnegouwen^c, van Holland^d ende here van Vriesland^e maken cond allen luden^f dat onse trouwe man ende ridder here Dieric^g, burchgrave van Leyden, omme dat hi oud ende cranc es ons up^h ghedraghen hevet al zine heerlichede, al sijn ambocht ende al sijn goed, eyghen ende leen, soe wairt gheleghen es, te doen bedriven ende te verwaren also langhe als hi levet, also als die opene brieve spreken die wi ende hi dair of hebben; ende hi sonderlinghe an ons begheert hevet dat wi hem ende veren Justinen sijn wijf, der burchgravinnen van Leyden, ende hoir twie zoenen alse heren Janⁱ Sceve^j, ridder, ende Jan Arnde^k ende hore goed nemen wilden in onser sonderlinghe bescermte, soe hebben wi omme des burchgraven willen den burchgrave, der burchgravinnen, heren Jan Sceve^l ende Jan^m Arndeⁿ also verre als zi selve niene misdoen noch parlament maken in onsen lande hair lijf ende hair goed ghenomen ende nemen mid desen brieve in onser sonderlinghe bescermte, ende ombieden allen onsen bailiuwen van onsen landen van der gravescip van Holland^o die nu sien jof namaels wesen sullen, ende sonderlinghe heren Janne van Polanen onsen bailiu van Rijnland, jof wie dair namaels bailiu wesen sal, dat si den burchgrave, der burchgravinnen, heren Jan Sceven ende Jan Arnd^p voirnoemt ende hoir goed van onsen^q weghen^r bescermen in der^s manieren dat voirsproken es, sonder archlist, also dat zijs hem mid redene beloeven moghen, ende des niene laten also^t lief als zi ons hebben.

Ghegheven tote Sinte^u Gheerden berghe^v des vridaghes na sinte Lambrechts^w dach int jair ons Heren M^o CCC^o ses ende dortich.