Registers van de Hollandse grafelijkheid 1299-1345

Isabella koningin van Engeland, vrouwe van Ierland en gravin van Ponthieu, en Eduard, oudste zoon van de koning van Engeland, hertog van Guyenne en graaf van Chester en Ponthieu, verklaren dat zij op eigen kosten 140 haringschepen, waaronder 8 hulken, zullen huren, inclusief bemanning, waartoe graaf Willem III zich bij de verhuurders garant heeft gesteld de schepen te vergoeden wanneer die verloren mochten gaan, in verband waarmee zij al hun inkomsten in Ponthieu ter beschikking stellen van de graaf totdat al diens eventuele onkosten in verband met die borgstelling zullen zijn terugbetaald, terwijl zij de koning van Frankrijk verzoeken erop toe te zien dat deze bepalingen worden nageleefd.

Vgl. nrs. PC 2 en 17, alsmede nrs. DE 87-100.

Nos Ysabiaus par le grace de Dieu royne dEngleterre^a, dame dIrlande et contesse de Pontif^b, et noz Edwars ainsnes filz dou roy dEngleterre^c, dux de Guyane, contes de Cestre et de Pontif, faisons savoir a tous que nos chers et amés cousin Guillaumes^d, coens de Haynnaut^e, de Hollande^f, de Zelande^g et sir^h de Frize, nous a prestees a nostre besoing et delivrees a no requeste a noble home, nostre feal chevalier Rogerⁱ seigneur de Mortemer^j, pour no service faire C et XL nef harengheroces, entre les queles il y a^k VIII grosses nes con appielle hulkes, par maniere^l que noz devons livrer tous frais et tous despens avoekes^m les leuwages des dis vaissiaus ⁿ a chiaus qui les gouvernerunt en nostre service faisant, venant a nous et ralant en leur lieus quant il partiront de nous, quans^o les quelz vaissiaus li dis coens nos cousin a respondu pour^p nous et lui estauli plege envers chiaus^q cui il sont parmi XV^C lb. de vies gros Tournois^r ou la oncein^s, pour che que se des nes aucunes estoient perdues ou peries par mains danemis et par no occoison ou par no deffaute, que elles faussent par lui restablies a chiaus cui elles aront estei par le pris et rewart de no dit^t cousin, accordei especialment au delivrer les nes cascune selonc se prisie, de lequele prisie les gens le dit^u seigneur de Mortemer^v ont escrit pardevers yaus, dont li dis coens a copie. Et pour ce^w que li dis coens nos cousin u si hoir nenkourent coust u damage pour le cause de noz et de ceste^x plegerie, nous li mettons presentement en main pour nos et pour nos hoirs toutes les rentes, revenues et emolumens de no contei de Pontif et qui eskein^y y poront, sans ryens excepter, pour les tenir, avoir, lever, remporter par lestimation^z de le vraie value par an, dusques atant quil soit plainement^a' et entierement^b' solz et paijés de tous cous, frais et damages quil u ses hoirs en ara fais, eus ou encouru, en quelconques maniere que ce soit, par sen plain dit, sans autre prouvanche faire; les quels damages solz et paijés entierement et plainement dusques au los dou Conseil du dit conte u de ses hoirs, toutes les revenues reviennent et doivent revenir a noz et a nos hoirs entirement frankes et delivrés com devant. Et a toutes ces coses et cascune^c' delles tenir et aemplir obligons nous expressement et sollempnelment, nos hoirs et nos successeurs aussi avant de point en point comme nous y sommes obligiet et tous nos biens et les leur partout, presens et avenir, si requerons et supplions a no seigneur le roy de France, frere a noz Ysabiaus^d' et oncle^e' a nous Edward, quil constraingne^f' nous, nos hoirs et nos successeurs par le prise de tous les biens que nous avons et avoir porons desous^g' luy^h' et en se demaine, partout ou que ce soit, en le dicte contei de Pontif ou ailleurs, a tenir et faire aemplir loyalment et entirement tout che que dit est, sensi estoit que nous en fuissiens trouvei en deffaute, que ja aviengne.

En tiesmoing des quels coses nous avons ces presentes lettres sayellees de nos propres sayels. Donnees lan de grace M CCC XXVI, le tierch jour daoust.