Registers van de Hollandse grafelijkheid 1299-1345

Hendrik de Rover, oudste zoon van Zweder van Montfoort, belooft ten behoeve van graaf (Willem III) vóór 11 november eerstkomende 700 pond zwarten Tournois te zullen betalen aan Jan van Rozenburg en Jan van den Werve, en stelt in verband daarmee zes met name genoemde borgen aan die bij niet naleving van de belofte samen met hem in Oudewater in leisting zullen gaan; de oorkonde wordt meebezegeld door de vier borgen die een zegel bezitten.

De onderstaande tekst is gebaseerd op afschrift B.

Allen den ghenen die dese brief zullen sien of horen lesen^c doe ic verstaen Heynric^d die Rover, Zueders^e outste sone van Montfoirde, dat ic ghelovet hebbe ende love mit desen jeghenwoirdighen brieve Janne van Rosenburch ende^f Janne van den Werve alse toit enen hoghen princhen behoef, mijns lieves heren des graven^g van Heynnegouwen^h etc., seven hondert pond zuarter Tornoyseⁱ, enen goeden groeten Tornoyse^j voer sestien penning gherekent oft payment dair voir, te betailen toit sente Martijns^k misse in den winter^l naist comende, des sijn borghen hair Ghisebrecht^m here van IJsselsteyneⁿ, Rolof^o die Roever^p, Otte van IJsselsteyne, Heynric^q die Roever^r van Ruele, Heynric^s Speyart ende Ghisebrecht^t van Crimpen mit ghesamender hand ende elc voir al, in deser manieren: wair dat ic Heynric^u die Roever^v voirghenoemd dese voirs. penninghe ter voirsprokenre tijd niet en betailde, so soude ic ende mine borghen die voirghenomet sien ter maninghe mijns lieves heren des graven van Holland^w voirseyd of des gheens die ons maende van siere weghen mit desen brieve in comen in ene herberghe binnen Oudewater^x dair men ons in wijst, dair in des daghes rechte maeltijde tetene, ons selven te winne, dane niet te sceyden, noch onser gheen mach dane sceyden noch quite wesen mit sinen aendele, dese voirghenoemde penninghe en sien betailt vol ende al mit den coste diemen dair omme doet die borghen in te manen; ende wie dan laghe voir ander scout of selve van kenliker noet niet leysten en mochte^y, die sel enen goede knape voir hem legghen. Voirt wair dat sake dat enich storve van desen borghen die hier voirghenoemd sien binnen deser tijd voirs., dat God^z verbieden moet, so sel ic binnen viertien nachten dair na enen goeden knape weder setten in des gheens stat die van den voirghenoemden borghen ghestorven ware; ende waer ic des^a' niet en dade^b', so soude ic ende mine borghe in comen in ene herberghe binnen Oudewater^c' te maninghe mijns lieves heren des graven of sijns ghewarts boden, vorwarde te houden in allen dien manieren alser voirscreven es, toit dier wilen dat ic dair of voldaen hadde.

Ende op dat alle dese voirseyde vorwarden vast ende ghestade bliven ende van niemand verbroken, so hebbe ic Heynric^d' die Rover, principael voirghenoemd, wi Ghisebrecht^e' here van IJsselsteyne, Rolof^f' die Rover, Otte van IJsselsteyne ende Ghisebrecht van Crimpen, borghen, desen brief bezeghelt mit ^g' onsen seghelen; ende want wi Heynric^h' die Rover van Ruele ende Heynric^i' Speyart ghene seghel en hebben, so loven wi onder der voirseyder seghele alle dese voirseyde voirwairde vast ende ghestade te houden mit goeden trouwen vol te doene. Ghegheven int jaer ons Heren M° CCC° drie ende twintich op sente Gillijs dach.