Registers van de Hollandse grafelijkheid 1299-1345

Graaf Willem III bevestigt de schenking door Gerard van den Vliet aan diens echtgenote jonkvrouw Elizabeth, dochter van heer Otto heer van Asperen, van een lijftocht bestaande uit 39 morgen land in Ouderkerk, welke Gerard van hem in leen houdt.

Wi Willaem^d grave van Heynnegouwen^e etc. maken cond etc. dat wi omme bede wille Gheraerds van den Vliete, ons mans, verliet hebben ende verlien met desen opene brieve joncfrouwen Lysebetten^f zinen wive, dochter heren Otten sheren van Asperen, hare rechte lijftochte an^g neghen ende dortich^h morghen lands legghende tote Oudekercⁱ die hi van ons te liene houd, in dusdanigher manieren: waer dat sake dat Gheraerd^j voirs. storve sonder witteliker boirte van jonfrouwe Lisebetthen^k zinen wive voirnoemt, soe soude zi die renten van desen voirseyden lande gheliken ende al behouden alse langhe als zi levet; ende waer dat sake dat Gheraerd^l vanden Vliete voirnoemt storve ende hi wittelike boerte achter hem liete van jonfrouwe Lisebetten^m zinen wive voirs., soe soude zi behouden tote harer lijftochte die twiedele van den rentenⁿ alse van ^o desen voirnoemden lande.

In oirkonde etc. Ghegheven tote Dordrecht^p des woensdaghes na Beloken Paesken^q int jaer ons Heren M° CCC° vier ende twintich.