Registers van de Hollandse grafelijkheid 1299-1345

Jan III (van Diest), bisschop van Utrecht, verklaart van Willem van Duivenvoorde, knaap, 500 pond Tournois te hebben geleend, waarvoor hij hem als onderpand al zijn gerechten van Vreeswijk en van de Nieuwe vaart geeft, met alle daaruit voortvloeiende inkomsten uitgezonderd die vanwege doodslag, te bezitten totdat de genoemde som zal zijn terugbetaald aan Willem of, wanneer die zonder wettig nageslacht overlijdt, aan diens broer Jan van Polanen; de oorkonde wordt meebezegeld door graaf Willem III, die zich borg stelt.

Wi Jan bi der ghenade Goeds biscop van Utrecht maken cond ende kenlic allen den ghenen die desen brief zullen sien of horen lesen^a dat wi sculdich zien^b Willaem^c van Duven voirde, onsen trouwen knape^d, vijf^e hondert pond Tornoyse^f, de ouden groten conix^g Tornoyse^h over sestienⁱ peninghe gherekend, die hi ons in ghereden peninghe gheliend heeft ende wi in oirbair onser kerken van Utrecht^j voirs. ghekerd hebben ende ons Ghestichts; over wilke V hondert pond Tornoyse^k wi hebben gheset ende setten met desen brieve tot enen onder pande Willaem^l van Duvenvoirde voirscreven ende sinen erfnamen alle onse gherechte van Vriesewike ende vander Niervaert^m, cleyne ende grote, alsoe als zi gheleghen zien, met allen vervallen die daer of comen moghen uyt ghenomen doitslaghen, die te ghebruken ende te besitene vrielike, sonder yet van der hoeft zommeⁿ te slane, toit der tijt toe dat wi of onse nacomelinghe bisscoppen van Utrecht Willaem^o voirs. of zinen erfnamen dese V hondert pond te vollen ende al betaelt hadden. Ende waer dat Willaems^p ghebrake sonder wittachtighe boirte van hem te laiten eer wi hem dese peninghen betaelt hadden, zoe souden wi ende onse nacomelinghe dair over verbonden wesen jeghen^q Janne^r van Pollanen, zinen broeder, in al der selver manieren dat wi nu jeghens^s Willaem^t verbonden sien.

In kennessen hier of hebben wi desen brief open bezegheld; ende om die meere zekerhede dat wi dit wittelike ende trouwelike willen ghehouden hebben, zoe bidden wi onsen lieven heren den grave van Heynegouwen^u, van Holland^v, van Zeelland^w ende here van Vriesland^x dat hi onse borghen ende onser^y nacomelinghe hier of zi, in dier^z manieren: wair dat Willaem^a' of zine erfnamen of Janne zinen broeder yet ghebrake an desen voirwaerden voirscreven, dat hize helde in vrieliken besitte van desen gherechte^b' ende goide voirscreven toit der tijt toe dat hem al voldaen ware alst voirscreven es. Ende wi Willaem^c' grave van Heynegouwen^d', van Holland^e', van Zeelland^f' ende here van Vriesland^g' maken ons selven^h' borghe hier of in sulker manieren alst voirscreven es^i', ende hebben ter orkonde van alle desen dinghen ende om bede heren Jans, bi der ghenade Goids^j' bisscops van Utrecht, desen brief met hem^k' open bezegheld met onsen zeghel. Ghegheven toit Utrecht^l' op sente Martijns^m' avond^n' in den winter^o' int jaer ons Heren M° CCC° zeven ende twintich.