Registers van de Hollandse grafelijkheid 1299-1345

Graaf Willem III schenkt de bisschop van Zuden, commandeur, en het convent van Sint Jan te Utrecht een nader omschreven openbare weg binnen Utrecht, die door schepenen en Raad aan hem waren gegeven; als tegenprestatie zullen bisschop en convent voortaan de grafelijke herberg en paarden onderdak verlenen.

Wi Willaem^d grave van Heynnegouwen^e etc. maken cond allen luden dat alsulken ghemenen wech alze leghet binnen der mure van Utrecht tusken erve des commenduers ende convent van Sinte Katherinen^f tUtrecht^g ane die neder zyde ende Lubrecht heren Tyedemans sone ane die over zyde, die ons die scepene ende die ghemeene^h Raed van Utrechtⁱ voirscreven ghegheven heeft, wilken wech alzoe hi gheleghen es wi voert gheven ende ghegheven hebben onsen gheesteliken vader in Goede ende goiden vriend den bisscop van Zuyden, commendeur, ende ghemeene convent van Sinte Jans huys toit Utrecht^j voirnoemt^k toit eninghe ende vergaderinghe onser herberghen aldair ende stallaidsen toit ons ende onser ghemeenre gheselscip oirbair, ewelic ende erflic te ghebruken toit hoirer behoef ende horer nacomelinghe, sonder weder segghen.

In orkonde etc. Ghegheven int jaer ons Heren M° CCC° XXVIII°^l op sinte Mairtijns^m dach die coemt in den winter.