Registers van de Hollandse grafelijkheid 1299-1345

Graaf Willem III beleent ten overstaan van zijn leenmannen heer Otto heer van Asperen met het huis Lingestein en met een daarnaast gelegen huis aan de kant van Ackoy met erbij 5 morgen buitendijks land, dat hij van de heer van Arkel had gekocht, welke goederen heer Otto aan hem, de graaf, had opgedragen.

Vgl. het volgende nr. UT 125. – Daaruit blijkt tevens dat men in Declinghen mogelijk moet lezen als an die Linghen. Of misschien is een toponiem 'Detlingen' bedoeld: onder Asperen vindt men nog steeds de Detsteeg.

Wi Willaem^c grave etc. maken cond etc. dat her Otte, here van Asperen^d, voir ons ende voir onsen mannen ons verliet ende op ghedraghen heeft een steen huys dat in Declinghen^e steet an die oester side van Asperen^f, dat men hiet Linghen^g steyne, ende een huys dair naist gheleghen an de inde van Eckoye^{h i} dairt op^j staet, ende met vijf^k morghen lands uterdijx dair ane gheleghen, die hi ghecoft hevet jeghens^l den here van Arkel, wilke husinghe ende land voirnoemd wi hem ende sinen nacomelinghe die here van Aspere^m isⁿ verliet hebben ende verlienen^o met desen openen brieve toit enen rechten arfleene, te houden van ons ende van onser nacomelinghe graven van Holland^p in allen den rechte ende in allen den manieren alse hi die heersceppe van Hasperen^q ende de poirte toit Asperen^r van ons hout. Ende hier waren over onse manne alse her Aernt van Hoklem, her Willaem^s van Duvenvoirde, ridder, Enghebrecht^t van Voirscoten, knape, ende anders goede lude.

Ende omme dat wi willen dat hem ende sinen nacomelinghe dit vast ende ghestade blive ende ghehouden worde van ons ende van onsen nachomelinghe^u, so hebben wi desen brief bezeghelt met onsen groeten zeghel. Ghegheven in die Haghe int jaer ons Heren M CCC ende neghen ende twintich op sente Matheus avond apostel ende ewangeliste.