Registers van de Hollandse grafelijkheid 1299-1345

Otto heer van Asperen, ridder, verklaart dat hij aan graaf Willem III zijn huis Lingestein heeft opgedragen, een daarnaast gelegen huis aan de kant van Ackoy met de hofstede waarop het staat, alsmede 5 morgen buitendijks land dat hij van de heer van Arkel had gekocht, met welke goederen hij vervolgens door de graaf is beleend; de oorkonde wordt meebezegeld door zijn broer heer Arnoud van Heukelum, diens zoon heer Jan van Heukelum, en zijn eigen zoon heer Otto van Asperen, allen ridders.

Vgl. het voorafgaande nr. UT 124; zie ook aldaar de kopnoot m.b.t. de lokalisering in die Linghen.

^c Allen den ghenen die desen brief zullen sien of horen lesen, ic Otte here van Asperen^d, ridder, saluyd ende kennesse der wareyt. Ic make cond ende kenlic allen luden dat ic minen lieven ende ghetrouwen here, heren Willame^e grave van Heynnegouwen^f etc., in siere hand ende op ghedraghen hebbe^g ende op draghe te vryen eyghen mijn steenhuys dat in die Linghen^h steet an die oisterside van Aspren, dat men heet Linghensteyne, ende een huys dair naist gheleghen an die syde van Eckoye met dier hofstede dairt op staet ende met vijf morghen lands vterdijcsⁱ dair an gheleghen, die ic cochte jeghens den here van Arkele; welke husinghe ende land voirghenoemd onse lieve here die grave voirs. mi verliet hevet ende verleent van hem ende van sinen nacomelinghen graven van Holland^j mi ende minen nachomelinghen heren toit Aspre te houden toit enen rechten erfleene^k, in allen dien rechte^l ende in alle die manieren als ic die heerscippe van Haspren^m ende die poirte toit Aspren van hem houde.

In oirkonde desen brief bezeghelt met minen zeghel. Ende omme die meere vastnesseⁿ ende sekerheyd zo hebbe ic ghebeden ende bidde minen lieven broeder heren Arnoud^o van Hockelem^p, here Janne van Hockelem^q sinen sone, minen neve, ende heren Otten van Asperen^r, minen^s sone, dat si alle drie desen brief met mi bezeghelen willen. Ende wi Arnoud^t van Hocklem^u, Jan van Hocklem^v sijn sone ende Otte van Hasperen^w, ridders, maken cond allen luden dat wi omme beden willen here Otten here van Haspere^x hebben alle drie desen brief bezeghelt met hem in kennessen der waerheyd. Ghegheven int jaer ons Heren dusent drie hondert neghen ende twintich op sente Matheus avond.