Registers van de Hollandse grafelijkheid 1299-1345

Graaf Willem III, die op 6 januari 1309 heer Gijsbrecht van IJsselstein, ridder, en diens zoon heer Arnoud had beleend met het huis te IJsselstein en de bijbehorende goederen, welke oorkonde is geïnsereerd, belooft nu aan Jan van Egmond, echtgenoot van jonkvrouw Guyote, dochter van heer Arnoud van IJsselstein, dat hij Guoyte en de kinderen die zij bij Jan zal hebben zal belenen met dit goed wanneer heer Arnoud mocht overlijden zonder zoon te hebben bij diens echtgenote jonkvrouw Maria, behoudens de inkomsten die men daaruit zal toewijzen aan jonkvrouw Maria en haar kinderen.

Vgl. nr. UT 22.

Wi Willem^a grave etc. maken kond etc. dat onse lieve ende ghetrouwe ridder hair Ghisebrecht^b, here van Yselsteyn^c, ende hair Arnd^d van Yselsteyn zijn zone enen brief van ons hebben, bezeghelt met onsen ouden groten zeghel, van den huse toit^e Yselsteyn ende van allen goide dat daer toe behort ende dat van ons roert, sprekende van woerde te woerde als hier na ghescreven^f staet.

Wi Willaem^g grave van Heynnegouwen^h etc. maken kond etc. dat wi om bede eens ersomen vaders ons liefs heren ende ons omsⁱ, heren Guys, bi der ghenaden Goids bisscop toit Utrecht^j, ende om bede ende^k versoec goider lude onser vriende, Ghisebrecht van Yselsteyn zulke gracie ghedaen hebben dat wi hem verlyet hebben ende ghegheven hebben ende gheven van ons te houden te liene thuys te Yselsteyn ende al dat goed dat hair Arnd van Aemstel, zijn vader, van onsen ouders graven van Holland^l wilen helt te liene, ende dat dien Ghisebrecht van zinen vader voirs. ane comen es, in zulker manieren dat wi Arnoude zinen sone met dien Ghisebrecht zinen vader vornoemt die ghesaemde hand van dien huse ende van den^m goide vorscreven verlyet ende ghegheven hebben van ons ende van onsen nacomelinghen te houden ⁿ in der vorme die hier na volghet: dat waer dat sake dat die Arnoud sturve eir Ghisebrecht zijn vader vors., dat die kindere die^o hi liet ende ghewonnen hadde bi joncvrouwe ^p onser nichten, zinen wive, dat zi dat vorseyde huys ende goed van ons ende van onsen nacomelinghe zullen houden ten rechten liene. Ende om dat wi hem willen houden vast ende ghestade^q al dat hier vorscreven es, zoe hebben wi hem dese lettere ghegheven bezeghelt met onsen zeghel. Ghegheven toit Aken op den Dertienden dach int jaer ons Heren M° CCC° ende acht.

Ende want Jan van Egmonde bi ons te wive ghenomen heft joncvrouwe Guyoten^r, heren Arnds dochter van Yselsteyn, onser nichten, zoe beloven wi hem: waer dat sake dat hair Arnd van Yselsteyn sturve sonder zone te hebbene van ver Marien onser nichten, zinen wive, dat wi joncvrouwe Guyoten^s ende hore kindere die zi hadde van Janne van^t Egmonde houden souden in den huse toit Yselsteyn ende in allen goide datter toe behoirt ende dat van ons roert, in allen manieren^u alse^v onse opene brief houd voirscreven, behouden des dat men uten goide ver Marien, onser nichten, ander kindere die zi bi heren Arnd hadde daer uyt goiden soude bi ons ende bi anders den maghen, alse weseliken ware.

In oirkonde etc. Ghegheven tote ^w Woudrichem^x sonnendaghes^y vor^z Pinxter int jaer ons Heren M° CCC° XXX°.