Registers van de Hollandse grafelijkheid 1299-1345

Bisschop Jan III van Utrecht stelt verschillende nader gespecificeerde inkomsten voor een periode van drie jaar ter beschikking aan heer Floris van Jutphaas, Domproost van Utrecht, heer Hendrik van Loenersloot, deken van Sint Jan te Utrecht, zijn broer heer Thomas van Diest, heer Arnoud van IJsselstein, heer Willem heer van Boxtel en heer Steven van Zuilen, die samen met heer Gijsbrecht heer van IJsselstein, heer Rutger uten Waarde, scholaster van Oudmunster, en heer Zweder van den Boetselaar borg hebben gestaan voor 4.000 pond kleine penningen die hij had geleend, uit welke inkomsten zij dat bedrag terug zullen ontvangen; de oorkonde wordt meebezegeld door graaf Willem III, die zich garant stelt dat genoemde personen onbelemmerd die inkomsten kunnen innen.

Vgl. nr. UT 143, een oorkonde van dezelfde datum met vrijwel gelijke inhoud, met als enige inhoudelijke verschillen dat Floris van Jutphaas er niet meer in voorkomt, en dat de plaats van uitvaardiging ontbreekt. Vgl. voorts nrs. UT 114 en 139.

Wi Jehan^b bi der ghenaden Gods biscop tUtrecht^c maken cond etc. dat wi gheset hebben ende setten ersame lude heren Floris^d van Jutfaes^e, Doemproist van Utrecht, in onse gruut tUtrecht, heren Heynric^f van Loenreslote^g, deken van Sente Jehan^h tUtrecht, inⁱ onser officialiteit mit sinen toe behoren, heren Thomaes van Diest, onsen broeder, op onse huys te Vollenhoe, scoutambocht ende^j renten van den lande van Vollenhoe^k, heren Arnoud^l van Iselsteyne^m op onse huys te Stoutenberch ende scoutambocht van Amersvoirde ende van Emeland, mit alden scoutambochte die dair toe behoren, heren Willaemⁿ here van Broecstel^o op onse huys ter Horst ende in onse tol te Renen mit den halven gherecht^p van Renen, ende heren Steven van Zullen in onse rentmester ambocht an des side der Ysel mit sinen toe behoren, alse voir ene somme van IIII^M ponden cleynre peninghe, enen^q ouden groeten coninx Tornoyse^r over sestien penning gherekent, die si mit anders onsen borghen als heren Ghisebrecht^s here van Yselsteyne, heren Rutgheer ute Warde, scolaster van Oudemunster, ende heren Zueder van den Boecselaer^t voir ons versekert ende gheloft^u hebben, welc IIII^M pond wi ghekeert hebben in onser kerken oirbair ende in noetsaken ons Ghestichts; ende voir dese IIII^M pond so willen wi dat onse borghen voirseyd bliven sitten ende ghebruken vrilijc in allen ambocht voirscreven dair wise in gheset hebben ^v toter tijd toe dat si dese voirs. IIII^M pond op ghebuert hebben ter goeder rekeninghe of dat wise vol ende al ghequit hebben, sonder archeyt, ende behoudelijc heren Floris^w Domproist^x, heren Heynric^y deken van Sente Jehan^z, heren^a' Thomaes, heren Arnoud^b', heren Willaem^c' ende heren Steven voirs. hoir brieve ende vorwarden die wi hebben op dese voirs. ambochte ende huse ghegheven hebben. Voirt  sint voirwairden dat onse borghe vornoemd hoir ghelt in nemen sullen binnen drien jaren na Paischdaghe naist comende^d'; ende gheviel onsen borghen voirs.^e' jof enich van hem enich hinder, comer of stoet an desen voirscreven brieven of huse of goed^f' dair wise in gheset hebben binnen desen drien jaren voirseyd van ons of van onsen nacomelinghen biscoppe tUtrecht, zo heb wi ghebeden enen edelen hoghen prinche onsen lieven nevenheren Willaem^g', grave van Heynnegouwen^h' etc., dat hi onser borghe voirnoemd hulper wesen wil ende bliven toit dier tijd toe dat si vol ende al ghequit sien van hoestel, coste ende scade als van den IIII^M ponden voirs., sonder alrande archeyt.

Ende wi Willaem^i' grave van Heynnegouwen^j' etc. om bede willen ons lieves heren heren Jehan^k', biscop van Utrecht, ende om goede jonst die wi toit hem^l' draghen, hebben ghelovet ende loven^m' heren ^n' Floris^o' Domproist, heren Heynric^p' deken van Sente Jehan^q', heren Ghisebrecht^r' here van Yselsteyne, heren Rutgheer uten Wairde, heren Zueder van Boecselair, heren Thomas^s', heren Arnoud^t', heren Willaem^u' ende heren Steven voirs., wair dat sake dat hem of hore enich hinder of comer of stoet gheviel in enighen pointen die voirscreven sien als van den IIII^M pond voirscreven, dat wi hoir hulper dair^v' in wesen sullen ende bliven toit dier tijd dat si van allen coste ende scade vol ende al ghequit sien in allen manieren alse voirscreven es, sonder alrande archeyt.

In orkonde der warheyt zo hebben wi Jehan bi der ghenaden Gods^w' biscop tUtrecht ende wi Willaem^x' grave etc. desen brief ^y' etc. Ghegheven tUtrecht int jaer ons Heren dusent drie hondert ende enendortich des sonnendaghes na sente Pieters dach ad cathedram.