Registers van de Hollandse grafelijkheid 1299-1345

Hendrik van Loenersloot, deken van Sint Jan te Utrecht, Roelof de Rover van Montfoort, Floris van Montfoort, Willem van Montfoort en Arst van der Horst beloven dat zij de voogdij over de kinderen van Hendrik Rover van Montfoort, door graaf (Willem III) opgedragen aan Willem en Arst, zullen uitoefenen zonder de graaf, diens lieden of diens land schade te berokkenen en zonder in het land van Montfoort heffingen op te leggen tenzij die zijn goedgekeurd door de graaf, en dat zij de goederen bij het bereiken van de meerderjarigheid van Jan van Montfoort of de oudste zoon integraal aan de graaf zullen overdragen ten behoeve van die rechthebbende.

Wi Heynric^a van Loenreslote, deken van Sinte^b Jannes^c toit Utrecht^d, Roelof die Rovere van Montfoirde, Florens^e van Montfoirde, Willaem^f van Montfoirde ende Arst^g van der Horst^h maken cond allen luden. Want onse lieve here die grave van Heynnegouwenⁱ ende van Holland^j Willaem^k van Montfoirde ende Arst^l van der Horst^m voirscreven gheset hevet op den huse ende in der heerscippen ende in allen goede ende in der voghedyen van Heynricⁿ Rovers^o kinder van Montforde^p, zoe gheloven wi alle vive voirnoemd ghesamender hand ende elc voir al bi onser trouwen ende bi onser sekerheden dat wijt also verwaren zullen dat onsen lieven here den grave voirnoemd noch sinen luden noch sinen lande van den huse van Montforde noch van der heerscippien van Montforde noch van ons ghene lette noch achterdeel noch scade comen en sal, ende dat wi ghene scattinghe in den lande van Montfoirde doen en sullen ten si bi orlove ons liefs heren sgraven voirseyd; ende zullen elken man recht ende vonnisse doen ende zullen mid den kinderen ende mid hore houdinghe doen bi goeddenken ons heren sgraven voirs., ende zullen thuys, heerscippen ende der kinder erve ende goed van Montforde voirscreven verwaren ende also goed^q leveren alse wijt nu ontfaen. Ende als Jan van Montfoirde of die outste sone sijn daghe hevet ende mid rechte selve mondich es, zoe zullen wi thuys ende die heerscippie van Montfoirde mid allen erve ende mid allen goede dat wire nu mede ontfaen weder leveren onsen here den grave vors. in allen manieren dat hijt ons levert, tote des outsten soens behoef diet sculdich es te hebben. Ende alle stucken voirscreven sonder archlist.

In orkonde etc. Ghegheven in die Haghe des vridaghes na sinte Victoirs^r dach int jaer ons Heren M° CCC° XXXIII°.