Registers van de Hollandse grafelijkheid 1299-1345

Agnes van IJsselstein, jonkvrouw van Montfoort, en haar zoon Jan van Montfoort, die hun geschil met Willem van Montfoort over de voogdij van het huis en de goederen van Montfoort hebben verbleven aan graaf (Willem III), kiezen op diens aanwijzing heer Arnoud van Heukelum, ridder, en Zweder van Zuilen, knaap, als hun twee scheidslieden die samen met twee door Willem aangestelde mannen volgens het recht van het Sticht uitspraak zullen doen in de kwestie, waaraan zij beloven zich te zullen houden; de oorkonde wordt meebezegeld door heer Gijsbrecht heer van IJsselstein, vader van Agnes.

Vgl. ook het volgende nr. UT 173.

Allen den ghenen die desen brief sullen sien jof horen lesen doe wi verstaen Agnieze van Yselsteyne, joncvrouwe van Montvoirde^a, ende Jan van Montvoirde, hair zone, dat wi bi ghehiete ende wille ons lieves heren des graven van Heynnegouwen^b ende van Holland^c ghebleven sien van allen twiste die es tuschen Willaem^d van Montvoirde op die ene zide ende ons op die ander zide als van dier monbairscap des huys ende des goeds van Montvoirde, die hi beleyt hevet ane vier mannen, twie diere Willaem van Montvoirde voirs.^e toe neemt ende twie die wire toe nemen, onsen lieven here den grave voirghenoemt tot enen over manne ons te sceydene na den rechte van den lande des Ghestichts van Utrecht^f. Wair toe wi kiesen ende nemen heren Arnoude van Hoekelem^g, ridder, ende Zweder^h van Zulen, knape; ende soe wat si segghen mid onsen lieven here den ..grave voirghenoemt als een overman in der zake tuschen Willaemⁱ van Montvoirde voirs. ende ons, dat gheloeve wi vaste en stade^j te houden. Mar wair dat zake dat hair Arnd^k ofte Zweder^l voirghenoemt op die tijd als men dat segghen segghen soude^m dair niet bi comen en mochten, zoe sellen wi enen anderen goeden man die hem lantsrecht verstaet zetten ende kiesen in des gheensⁿ stat die van desen twien voirscreven dair niet comen en mochte; ende alle poynte voirscreven sonder arghelist.

In orconde des briefs bezeghelt mid onsen zeghelen. Ende omme die meerre zekerheyt zoe hebben wi ghebeden onsen lieven here onsen vader, heren Ghisebrecht^o den here van Yselsteyne, dat hi desen brief mede bezeghele mid zinen zeghele als tot eenre orconde. Ende wi Ghisebrecht^p here van Yselsteyne voirghenoemt omme beden wille Agniezen^q onser^r dochter ende Johans hairs^s zoens hebbent gairne ghedaen. Ghegheven int jair ons heren M° CCC° ses ende dortich op sinte Pieters ende sinte Pouwels avonde.