Registers van de Hollandse grafelijkheid 1299-1345

Graaf Willem IV, die droogmaking van Noord-Beveland heeft gefinancierd op voorwaarde dat hij de kosten mocht verhalen op de inwoners en met de bepaling dat hij vervolgens zou toezien op het onderhoud van landen en dijken door de ingelanden, constateert dat een aantal met name genoemde personen die met dat onderhoud in gebreke waren gebleven uit hun goed is gezet, en schenkt dit land aan Pieter zoon van Pieter Hugenz. in vrij eigendom, met alle erop drukkende lasten.

Vgl. nrs. WI 28-30, 32-34, alsmede nrs. WI 42 en 49.

Willem ..grave van Heynnegouwen^b etc. maken cond allen luden dat onse ghemene manne ende ghemeente van onsen lande van Nortbeveland voir ons ende voir onse manne gheloveden ende wilcoirden, omme dat si Nortbeveland bi hem selven niet winnen en mochten, dat wi met onsen ghelde Nortbeveland verschen ende droeghen souden ende dat ghelt weder an^c hem verhalen, an al haren goede wairt arve, wairt tiende, ambocht, molen jof soe wat goede si hadden. Ende als wi tland voirs. hadden doen vorschen soe soude elc man sine hant slaen an sijn land ende an sinen dijc, ende dien dijc selve verwaren; ende die des niet en dede, soe souden wi mitten lande ende mitten dike onsen wille doen. Ende want in die prochye van Campen verGheyle Willaem^d Heynemans soens hevet laten ligghen sestien ghemete, Pieter Heynen sone III½ ghemet ende XXI roeden, Hannekijn Poppen sone van den Hove ende Aechte Kerstiaens IIII½ ghemet XXV roeden min, Wiven Henrix^e soens dochter vijf vierendel, item in^f Nortambocht^g van Wissenkerke Pouwels Lemmenk^h Pouwels soens sone VII vierendel, Clays die Cupereⁱ een vierendel, Dieric Zoeten sone een half ghemet ende twintich roede, Hughe Willems sone I½ vierendel, Durf Symons nichte van der Hole een half ghemet, Lize Heynen dochter van Woude hondert ende dortich roeden, Poppe Wiven soen seven vierendel ende Heyne Boye een half ghemet lands, die si hem niet bewonden en hebben noch den dijc verwairt zeder die tijd dat wi Nortbeveland hadden doen winnen ende ghevorschet was, ende onse ghelt up dat land uytgheleghet es bi vonnisse van den ghesuoren, ende dit voirscreven land van onsen weghen ghevroent es mit allen rechte; soe hebben wi al dit voirnoemde land ghegheven in vryen eyghen Pieter Pieter Hughen soens sone met alsulken laste als up desen voirs. lande staet van den ghelde dat wire voren uytgheleghet hebben jof uytligghen sullen; ende gheloven hem al dit voirs. land te waren als wi sculdich sien te doen.

In orconde etc. Ghegheven te Zierixzee des manendaghes na sinte Lucas dach int jair ons Heren M° CCC° zeven ende dortich.