Registers van de Hollandse grafelijkheid 1299-1345

Graaf Willem IV, die droogmaking van Noord-Beveland heeft gefinancierd op voorwaarde dat hij de kosten mocht verhalen op de inwoners en met de bepaling dat hij vervolgens zou toezien op het onderhoud van landen en dijken door de ingelanden, constateert dat een aantal met name genoemde personen die met dat onderhoud in gebreke waren gebleven uit hun goed is gezet, en schenkt dit land aan Mathijs Hugenz. in vrij eigendom, met alle erop drukkende lasten.

Vgl. nrs. WI 28-31, 33, 34, alsmede nrs. WI 42 en 49.

Willaem ..grave van Heynnegouwen^b etc. maken cond allen luden dat onse ghemene manne ende ghemeente van onsen lande van Nortbeveland voir ons ende voir onse manne gheloveden ende wilcorden, omme dat si Nortbeveland^c bi hem selven niet winnen en mochten, dat wi met onsen ghelde Nortbeveland vorschen ende droghen souden ende dat ghelt weder an hem verhalen, an al haren goede wairt arve, wairt tiende, ambocht, molen jof soe wat goede si hadden. Ende als wi tland voirs. hadden doen vorschen soe soude elc man sine hant slaen an sijn land ende an sinen dijc, ende dien dijc selve verwaren; ende die des niet en dede, soe souden wi mettien lande ende met dien dike onsen wille doen. Ende want in die prochye van Campen^d Willaem^e Joerdaens sone hevet laten legghen III ghemeten ende XXV roeden, Arnoud Arnouds sone vijf ghemete ende XXIII roeden in delinghe van sinen lande, joncvrou Sayne ende hare kindere ses ghemete, item in Nortambocht Renghar Willems^f soens erfnamen ende Aechte Kerstiaens dortien ghemete XL roeden min, Clays Gillijs^g sone twie ghemete, Hannekijn^h here Jan Mairlijns sone I½ ghemete, Rase een ghemet, Gheyle Mondijns stiefdochter een ghemet, Jan Pieter Hughen soens sone een ghemet ende tien roeden, item in Gherolfsdijc Pieter Vlaminx sone vierdalf ghemet ende Hughe Heyne Valken sone I½ ghemet lands, die si hem niet bewonden en hebben noch den dijc verwaert zeder die tijt dat wi Nortbevelandⁱ hadden doen winnen ende gheverschet was, ende onse ghelt op dit land uytgheleghet es bi vonnisse van den ghesuoren, ende dit voirscreven land van onsen weghen ghevroent es mit allen rechte; soe hebben wi al dit voirnoemde^j land ghegheven in vryen eyghen Mathijs Hughen sone met alsulken laste als up desen voirs. lande staet van den ghelde dat wire voren uytgheleghet hebben, ende van sinen ane beloepe van den ghelde dat wi voir tghemene land van Nortbeveland uyt gheleghet hebben jof uytlegghen sullen; ende gheloven hem al dit voirs. land te warene als wi sculdich sien te doen.

In orconde etc. Ghegheven te Zierixzee des manendaghes na sinte Lucas dach int jair ons Heren M° CCC° zeven ende dortich.