Graaf Willem IV schenkt heer Floris heer van Haamstede voor de duur van diens leven een aantal met name genoemde goederen op Zuid-Beveland, om daarmee de grotere staat te kunnen voeren die hoort bij zijn verheffing tot baanrots, met de bepaling dat na diens overlijden de goederen nog mogen worden gehouden door diens echtgenote zolang zij leeft.
Idem.a
Over de drie in de tekst genoemde polders bij Yerseke zie Dekker, Zuid-Beveland, p. 210.
Willem ..grave van Heynnegouwenb etc. maken cond allen luden. Wantc hair Florensd here van Haemstedee, onse lieve neve, baenroets gheworden is ende sijn staet ghehoecht heeft ende banniere gheladen bi ons ende bi onsen wille, soe hebben wi hem ghegheven ende gheven mit desen brieve, omme den voirscreven staet dair hi toe coemen is mede te beledene ende te houdene als dair toe behoert, ende omme menighen trouwen dienst die hi ende sine vorders ons ende onsen vorders dicke ghedaen hebben ende hi ons noch doen sal, al onse land, verpacht ende omverpacht, dat wi hebben ligghende in Schtkijnsf polre in Yeerseke, in den polre jeghens Coude werve ende in den polre achter Dunemedammeg in Zuutbeveland, met al den huysinghen, coerne, beesten ende met allen anderen goede dat den hoeve van Schtkijns polre toe behoert alsoe als wijt nu beseten hebben, te besittene ende vrylike te ghebrukene also langhe als hi levet; ende ware dat zake dat die vrouwe van Haemstedeh sijn ghetrouwe wijf, onse nichte, langher levede dan hi, soe willen wi dat si dit voirs. goedt behoude ende ghebruke in allen manieren als voirscreven es tot haren live toe, ende na hare doet weder te coemen an ons jof an onse nacomelinghe.
In orconde etc. Ghegheven in Middelburchi des anders daghes na Paesdach int jair XLI°.