Graaf Willem IV schenkt Allard Arnoudsz. en diens echtgenote jonkvrouw Roos circa 6 morgen land in Vlissingen, welk goed na het overlijden van de langstlevende van hen weer aan hem zal komen.
Allaerde Aernoudts zone en joncvrou Raesen sinen wive.
Willem ..grave van Heynnegouwena etc. maken cond allen luden dat wi Allairde Aernouds zone ende joncvrouwen Roesen, sinen wive, ghegheven hebben ende gheven mit desen brieve, om menighen dienst die ons Allaird voirs. ghedaen heeft ende noch doen sal, VI ghemete lands littel min jof meer die ons ane ghestorven sijn van Ghosine Gheyle Willen zone, ligghende te Vlissinghe, nu op te coemende mitter noete, ende te brukene also langhe als hare enich van him beyden levet; ende na die leste doet van him beyden vrylike weder an ons te comen.
In orconde etc. Ghegheven te Brusele des woensdaghes na sinte Jans dach baptisten int jair XLI°.