Graaf Willem IV kent Willem Warren voor de duur van diens leven een jaarrente toe van 10 pond Hollands, uit te keren door de rentmeester van Noordholland, welke rente Willem eerder ook al had ontvangen van graaf Willem III.
Willaem Warren.
Een streep door het begin van de tekst.
Wi Willaem ..grave van Heynnegouwena etc. maken cond allen luden dat wi die tien pond Hollandsb tsyaers die onse lieve here ende vader, dair God die ziele of hebben moet, ghegheven hadde Willaem Warren omme sijns dienst willen tot sinen live met sinen opene brieve, die hi ons op leverde ende ghescoert es, ghegeheven hebben Willaemc voirs. omme dienste dien hi ons ghedaen heeft ende noch doen sal voir ons ende voir onse nacomelinghe toit sinen live, ende bewisen hem die jairlix inte nemen an onsen rentemeyster van Northollandd toit elken sinte Jans misse midde somere; ende ombieden onsen rentemeyster van Northollandf die nu es of namaels wesen sal dat hi hem die tien pond Hollandsg tsyaers voirs. betale ten termine voirscreven, ende dat hi dair of jairlix van hem neme brieve van quitancien, ende med dien brieven sullen wi hem van also vele quiten in siere eerster rekeninghe.
Met desen brieve bezeghelt met onsen zeghele. Ghegheven in Middelburchh des sonnendaghes na sente Mauricius dach int jair XXXVIIo.
Per dominum et dominum de Zevenbergheni et Rasonem de Liedekerckej.