Registers van de Hollandse grafelijkheid 1299-1345

Graaf Willem IV schenkt Jan van Artois, knecht van zijn harnas, en diens echtgenote Ave, dochter van Colaard de Ridder, voor de duur van de langst levende van hen een jaarrente van 10 pond Hollands, uit te keren door de rentmeester van Noordholland.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

Willem^a ..grave van Heynnegouwen^b etc. maken cond allen luden dat wi Janne van Artoys, onse ghersoen van onsen yseren, omme trouwen^c dienst dien hi ons ghedaen heeft ende noch doen mach ende sal, ghegheven hebben ende gheven mit desen brieve also langhe als hi levet X lb. Hollands^d tsyairs; ende wair dat zake dat Jans voirs. ghebrake ende hi storve^e, soe willen wi dat Ave sijn wijf, Coelairt des Ridders^f dochter, die X lb. Hollands^g voirs. ghebruke; ende ombieden onsen rentemeyster van Noirtholland^h die nu is of namaels wesen sal dat hi alle jare Janne voirs. jof Aven sinen wive, est dat si langher levet dan hi, uutreke tote Voerscoeterⁱ marct, ende dair of neme alle jare enen brief van quitancien jeghens ons mede te rekenen, ende van also vele zullen wi onsen rentemeyster voirs. quiten alle jare^j in sire rekeninghe.

In orconde etc. Ghegheven in den Haghe des sonnendaghes na sinte Pouwels dach int jair XL^o.