Registers van de Hollandse grafelijkheid 1299-1345

Jan van Henegouwen, heer van Beaumont, stadhouder voor zijn neef graaf (Willem IV), gelast Daniel van Rodenrijs, baljuw van Delfland en van Schieland, Gerard Heinenz., rentmeester van Noordholland en van het land van Woerden, en de gemene heemraden van Schieland een taxatie op te stellen van de kosten bij de aanleg van een vaart tussen Rotterdam en de Schie, en daarbij de betrokken ingezetenen naar behoren te compenseren; enkele met name genoemde ingelanden worden gemaand zich niet te verzetten tegen die aanleg.

Wi Jan van Heynnegouwen^a, here van Biaumond, stedehoudende ons liefs heren ende neven sgraven van Heynnegouwen^b ende van Holland^c, ombieden u Daniel van Roederijse, bailiu van Delfland^d ende van Scieland^e, Gherard^f Heynen sone, rentemeester van Noirtholland^g ende van den lande van Woirden, ende den ghemenen hyemrade van Scielant dat ghi vaert sonder vertrec up die vaerd die ghaet twischen Rotterdam^h ende Scye, ende die sciert te maken als ghi waent dat oirbair is des ghemeens lants mitter minster scade, ende dat ghi alle den ghenen diemen hair lant dair toe besighen zal, of die bi dier vaerd ghehindert souden wesen an horen lande, hoir lant doet ghelden ende horen hinder van horen lande versetten als u denct dat weseliken es. Ende ombieden u Philps van der Spange, Clais van Ruven, Willemⁱ van den Vene ende anders al den ghenen diere in ghelant zijn dat ghi die van Rotterdam die vaert delven laet, ende dair of ontfaet alsulc ghelt als u die ghoede lude voirs. toe zetten zullen; want ons ende onsen Raet denct dat die vaerd nuttelic es den ghemenen lande. Des en laet niet.

Ghegheven in den Haghe des zondaghes na sinte Jans dach decollatio int jair XLIII^o.