Registers van de Hollandse grafelijkheid 1299-1345

Graaf Willem IV kent Hanne Koek voor de duur van diens leven 5 pond Hollands jaarlijks toe, uit te keren door de rentmeester van Noordholland; Hanne zal evenwel geen livrei ontvangen.

Willem grave van Heynnegouwen^a etc. maken cond etc. dat wi Hanne Coeken ghegheven hebben tot sinen live V lb. Hollands^b tsyairs, ende dair bi en zullen wi hem ghene cleder noch livree gheven, noch halen hi noch die sine; ende ombieden onsen rentemeester van Noirtholland^c die nu es of namaels wesen sal dat hi hem alle jare dit voirscreven ghelt van onsen weghen uut reke ende betale, diene helfte tot sint Martijns misse^d ende dander helfte te meye dair naestcomende, ende sullen onsen rentemeester voirs. jairlix van also vele quiten in sire eerster rekeninghe die hi ons doen sal.

In orconde etc. Ghegheven in den Haghe tsondaghes na onser Vrouwen dach nativitas anno XLV^o.