Graaf Willem IV beleent zijn deurwachter Jannes de Smeder met een weer van 22 gemet en een half huis met halve hofstede, alles gelegen in Rhoon, welke goederen Jannes hem daartoe in vrij eigendom had opgedragen; voorts regelt hij de vererving van dit leen.
Jan die Snidera.
Vgl. nrs. WI 154 en 260.
Wi Willaem ..grave van Heynnegouwenb etc. maken cond allen luden dat ons Jannes die Smeder, onse doirwairder, van sinen eygheliken goede ons op ghedraghen hevet tonsen vryen eyghen een weer lands dat groet es twie ende twintich mete, ende een half huys mitter helftec van der hofstede daert huys op staet, ligghende in Roeden in thuys weer dair sijn vader op placht te wonen, binnen desen landghemerken: die zeedijc an twestende, die Weendijc an toestende, hi selve met enen mete lands hiet Ruychvoetsgaetsweer an die zuutside, ende een weer lands dat Lem Gillijsd soen Boudijn sinen soen te huwelike gaf an die noirtside. Wilc land, huys ende hofstede voirscreven wi verliet hebben ende verlien met desen brieve Jannes voirnoemt ende sinen erfnamen, est wijf est man, van ons ende van onsen nacomelinghen te houden in rechten erfliene, niet te versterven ende op den outsten ende op den naesten te comen, mar op den jongheren manhoeft voir touder wijfhoeft dair si beyde even na sien; mar storve Jannes sonder wittighe boerte, te comen op Willaeme sinen broeder of op sine kinder voir yemand anders, ende dair tenden te comen in allen manieren alse voirscreven.
In orconde etc. Ghegheven ter Goys op sinte Pieters avonde inghaende oichste int jair ons Heren Mo CCCo acht ende dortich.
W.f
g S(igillavit) Florenciush de Haemstedei.