Registers van de Hollandse grafelijkheid 1299-1345

Graaf Willem IV vidimeert en bevestigt in tegenwoordigheid van enkele met name genoemde getuigen een oorkonde d.d. 1315 april 1 waarin graaf Willem III de rechtspraak van de stad Dordrecht nader regelt.

De bovenstaande datering is gebaseerd op de veronderstelling dat de paasstijl is toegepast. Zie de Inleiding.

De gevidimeerde oorkonde van graaf Willem III was als zelfstandige tekst eerder opgenomen in het register Zuidholland; zie nr. ZH 96, alwaar tekstuele varianten uit dit nr. WI 265 zijn geannoteerd onder het sigle D.

Wi Willaem^b ..grave van Heynnegouwen^c etc. maken cond allen luden dat wi ghesien ende ghehoert hebben ene hantveste die onse lieve here onse vader, dair God die ziele of hebben moet, ghegheven ende bezeghelt hadde onser liever stede van Dordrecht^d, sprekende ende inhoudende van woirde te woirde als hier na bescreven staet.

Volgt nr. ZH 96.

Ende want^e onsen goede luden van onser stede van Dordrecht^f voirs. dese voirnoemde hantveste ghearcht was bi groeten onghevalle van brande, als ons ende onsen ghemenen Rade wel kenliken es, soe hebben wi hem bi rade ons ghemeens Raeds dese voirscreven hantveste verniewet, ende gheloven hem voir ons ende voir onse nacomelinghen eweliken vaste ende ghestade te houden, sonder enich weder segghen. Ende hier waren over hair Pieter here van der Lecke, hair Heynric^g van der Lecke, sijn soen, hair Daniel van der Merwede^h, hair Willaemⁱ van Duvevoirde, hair Harbaren van Riede^j, onse bailiu van Zuutholland^k, ende here Florijs van Haemstede^l, ^m  ridders, ende Tielman die Moilnailⁿ, knape.

In kennissen der wairheyt soe hebben wi desen brief bezeghelt met onsen groete zeghele uythanghende. Ghegheven tDordrecht^o int jair ons Heren M^o CCC^o acht ende dortich des woensdaghes na sinte Valencijns dach.