Otto heer van Asperen belooft zich te zullen houden aan de uitspraak die graaf (Willem IV) heeft gedaan in de twist tussen hem en (heer Jan) heer van Arkel, op boete van 2000 pond zwarten Tournois, op grond van welke belofte de graaf degenen die voor Otto borg stonden heeft ontheven van hun verbintenis.
Noch van tselve.a
Wi Otte here van Asperenb maken cond allen luden dat wi alsulc segghen als onse lieve here die grave van Heynnegouwenc etc. seyde op sinte Pouwels dach in januario int jair XLIod, ende dat hi bezeghelt heeft, tuschen ons ane die ene zide ende die here van Erkel ane die ander zide, van alsulken twye ende discoirde als wi onderlinghe ghehadt hebben tote dien daghe toe voirs., roerende van alsulken zaken als in dien segghen bescreven staet, dat onse lieve here voirs. ons overghelevert heeft bezeghelt mit sinen zeghel open, gheloeft hebben ende gheloven voir ons ende voir onse nacomelinghe ewelike tallen daghen vaste ende ghestade te houden, op ene pene van IIM lb. zwarter Tornoysee, in allen manieren als tsegghen voirs. hout ende in heeft; ende ware dat wi dit voirs. segghen niet en helden, soe bevielen wi in der pene voirs. jeghens onsen lieven here voirnoemt. Ende overmids deser gheloefte die wi onsen lieven here voirs. mit desen brieve ghedaen hebben, soe heeft hi onse borghen quite ghescouden die in dien segghen bescreven staen van alre gheloeften die si in desen zaken voir ons gheloeft hebben.
In orconde etc. Ghegheven te Sinte Gheerdenberghef int jair voirscreven, sonnendaghes nag sinte Pouwels dach voirs.