Graaf Willem IV stelt in Alkmaar drie jaarmarkten per jaar in, geeft toestemming aan alle kooplieden die markten te bezoeken met hun waren, en bepaalt het dan geldend toltarief.
Alcmair.
In de marge een aantekening door Filips van Leiden: Alcmaer.
Vgl. nr. WI 388.
Wi Willem ..grave van Heynnegouwena etc. maken cond allen luden dat wi omme oirbair onser poirte van Alkemaer ghegheven hebben onser poerte voirs. drie jaer marchtenb tsjaers, die ene toit Midvasten, die ander toit sinte Jacobs missec, die derde tote Bamissed, ende elke marcte drie weken durende. Ende omme onser poerten voirs. meer orbair te doen soe hebben wi ghegheven allen coepmanne, oic wane si sien, est uyt Vlaenderene, uyt Braband, uyt Denemarcken jof uyt wat lande si sien, dat si in dier wilen dat elke marcte duert comen moghen met hoeren goede tAlkemair doir onse land, voir bi onse tollen, met sulker tollen als hier na screven staen, dat es te wetene van elken paerde vier pennighe Hollandsf, van elken rinde twie pennighe Hollands, ende van anderen beesten na ghelike datter toe behoert, ende van elken laken overhoefg achte pennighe Hollands, ende van allen anderen slapenden goede den hondersten penninc; ende des ghelike weder te keren met sulken tollen die wile dat die marct duert. Dit sal ghedueren toit onsen wedersegghen.
Ghegheven in die Haghe des woensdaghes na sinte Niclaeys dach int jaer XXXIXo.
Per dominum, presentibus dominis de Lecka et Iohannih de Polanen.
i S(igillavit) F. de H.